|
للشاعر عبدالرحمن بن مساعد
الصبر الصبر ... مالي انا الا الصبر الغدر .. وشلون جاء منها الغدر ياقلب ابي منك العذر انا ما هقيت ان الفجر يقدر يخون وقت الفجر وان السنين تقدر تمر ابلا عمر لا ماهقيت ان الوفا في قلبها ماله قدر واني انا محتاج مني الصبر ياقلب ابي منك العذر .. وان مارضيت مالي جدى كود الصبر ياجرحي في كل الدهر فارقت انا الدنيا يا طعنةٍ وسط الظهر .. لابد انا انساك بنسى انا كل اللي راح .. بنسى الفرح لجل الجراح بنسى قصيدي والشعر .. بنسى سنيني والعمر مع الهجر يمكن في يوم اسلى وان ماسليت او ما نسيت منك العذر .. مالي جدوى كود الصبر ياللي خذلتي مدمعي .. ان كان ودك ترجعي عندي طلب .. لاترجعي ياللي خذلتي مدمعي .. ان كان ودك ترجعي شرطي صعب ! .. لو تجمعي آهات قلبي اللي انجرح وتنسي السعادة والفرح وتتعذبي وبعد العذاب تتعذري عبدالرحمن بن مساعد |
سألتها سألتها .. لية البحر ساكن عيونك ؟! جاوبتني .. للغرق سألتها .. ليه السواد اللي في عيونك ؟! جاوبتني .. للأرق سألتها .. ليه الخدود ؟ قالت .. عبق سألتها .. هي رقتك مثل النسايم والورود ؟! قالتلي .. لا .. يمكن أرق سألتها .. عن حسنها كنّه يقول : ما للشعر فيني حدود؟! قالت .. صدق سألتها .. يا اغلى الأنام .. وشهو الغرام ؟! قالتلي .. انك ماتنام .. وأوهام .. وتنتظر شمس اللقا وماتجي شمس اللقا مشوار مايعرف وصول .. ولحظة بها كل الفصول وقلب واحد يحترق .. وبعض الصدق وقتٍ عصيب يتبعه وقتٍ عصيب وليل يتعدى الصباح .. وجراح تدمى لو تطيب وفي الأخير .. خل عن خل افترق في الأخير .. كل النهايات الفراق مافيه فرص .. مافيه نهايات بلقا .. إلا في خيالات القصص سألتها .. وشهو الوفا ؟! قالت .. كفى .. النور من ضيي اختفى والليل في عيوني غفى اترك كثير الأسئلة .. اسأل عن عيوني وكفى اسألني .. ليه البحر ساكن عيونك .. ليه السواد اللي في عيونك سألتها .. جاوبتني .. للغرق .. للأرق سألتها عن حسنها كنه يقول : ما للشعر فيني حدود ؟! قالت .. صدق |
أختيار موفق
أختيار موفق أيه العنيد يسلم ذوقك .. ومن منا لم يقراء للشاعر عبد الرحمن بن مساعد هذا الشاعر المخضرم .. الذي يعزف على أوتار قلوبنا بتلك الكلمات الرقيقة .. التي تدخل القلوب دون استأذان .. أليس هو نفسه القائل : سيد جروحي شمس عمري وظلي الحب بعد وقرب مخطي وصافح إذا غرورك يمنعك تعتذرلي لا تعتذر لي قول إسمي وأسامح ألم يكن هو القائل : ما سألتو صاحب النظرة الخجولة كيف يسهرني ولهوجه صبوح كيف يظلمني وله طهر الطفولة كيف يسكني وهودايم يروح تحياتي .. أبدعت في أختيارك |
تسلم أخوي العنيد على هالإختيار
والشاعر بن مساعد رقيق بشعره وكلماته معبرة بالحيل وتسمعه أحسن ما تقرا له واسمح لي أبي أشارك معاك بقصيدته البحر البحر على مدي الأيام .. كان البحر بالنسبة لي هو البحر رمل .. أمواج .. صخر كان البحر بالنسبة لي بس البحر وعلى مدى الأيام ماقد لمس فيني المشاعر الا ذاك اليوم .. يوم انك معي يومها كان الوداع وكان البحر دفتر والموج بيت من شعر وبيتٍ ورى بيت .. وموجه ورى موجه تكتب قصيدة حبنا وتمحي الجراح بجراح ومثل الفرح في دنيتي كان الفجر عمره قصير .. وبكل حب اهدا نسيمه وراح وتشرق الشمس .. لجل الخلايق كلها تقرا قصيدة حبنا ويومها ماكان للشمس اي نور وبعض السبب كان الوداع وباقي السبب انتي خذيتي .. من سماها النور ولجل الصدق .. يومها كنتي انتي الشمس وكان البحر عينك .. وادموعك امواج الشعر وخدك الدفتر آه يا اللقى ماخذت من طبع البحر ما للبحر آخر آه يالفراق .. ماخذت من ذوق الفجر يمرنا عابر وآه يالعيون اللى انا منها عرفت ان البحر دفتر وان القصيد امواج وان الغرام شاعره بااااي :rolleyes: |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.