|
عـشــــرة مـواقـف رمــضــــانـيــــــــــة
للشاعر خلف المشعان
الموقف الأول
البارحه رحت .. اتقضى من .. السوق هل رمضان ورحت اجيب المقاضي لقيت لي واحد .. من الربع مطفوق اسمه اذا ماني بغـلطان .. راضي سلم علي .. وصار يطـلبني .. حقوق تقــول انا مذنب وهالأخ .. قاضي جلس يسمعني .. من الشعر .. طاروق وانا ورايه شغل .. مانيب فـاضي يقول هذا البيت : .. ماهو بمسرووق : " يانوض قلبي نوض براق ناضي " ؟ حاولت اجيه بذوق .. مافاد به .. ذوق ولا فاد به .. تلميحتي واعتراضي قلت العفو !! ياخوك انا الحين مزنوق والشعر كله .. صارلي فعل ماضي صدري على وجه الشهر صار به ضوق رغم ان خلقي .. كان جداً رياضي الا انه اجبرني .. اخلي له .. السوق جانا رمضان ولا شريت المقاضي |
السلام عليكم اضحك الله سنك :) بس عاد سعة الصدر زينة على طول فهي من الخلق الأسلامي الحسن وهذا ما اراد الشاعر ايصالةوهذه رسالة للحلم فهو سيد الأخلاق . استاذنا المسك احسنت على النقل تقبل تحياتي:) |
إقتباس:
:) حياك الله أخي الكريم أحمد،وأسعدني تواجدك ومداخلتك الجميلة النافعة... لك خالص و وافر تحياتي وتدعواتي أخوك المسك |
الموقف الثاني :
كم لي شهر.. ماشفت .. حامد .. وفرحان ربع ٍ .. لياغاب الخوي .. يفـقدوونه رغم انهم .. ماهم .. بعيدين .. جــيران حامد ورى المسجد .. وفرحان دوونه إلا انّ هالدنيا .. خذت .. عقل الانسان ونابت أذانه .. عن مهمة عيووووونه أصبح فلان .. اليوم .. يسمع عن فلان وكلٍ سعى في هالحياة .. بشؤووونه دنيا المشاغل .. فرقت .. بين الاخوان يموت ابوهم .. والعزى .. مايجووونه رحمااااك .. ياربي ونسألك .. الاحسان نطلبك .. عن هول الزمان .. المعوونه اليوم ( صدفه ) شفت حامد .. وفرحان بالمسجد .. اللي توّهـم .. يدخلوووونه قبل رمضان .. تشوف به خمس شيبااان واليوم كل الحي .. صاروا يجووووونه |
الموقف الثالث :
قبل الفطور بربع ساعه اتخبرون كلٍ .. ببيته .. للفطور .. يتولم وانا تورطت بهديفه ,, ومجنوون تصادموا .. والكل قام .. يتظلم هذا يقول أنت آعـَمى مالك عيون وهذاك .. من هول الفجيعه تبلم قدام بيتي .. قلت يالربع تدرووون تفضلوا بعد الفطــور .. نتكلم عيا الهديفه قلت له : طيب شلون نبقى هنا ؟؟ قال ايه ، قلت اتحلم لو ننتظر لين الحكومة يمروووون كد للإمام من التراويح .. ســلم قلت اسمعوا .. وش رايكم لو تطسووووون مدري متى .. شعب الخليج يتعلم |
الموقف الرابع
محدٍ بهالعالم من الذنب معصوووووم نسألك .. يارب العباد .. السلامه بعض البشر بوزه على الصبح ملموم نفسه بخشمه .. لا قعدوه .. لدوامه تلقى " فرامل خلقه " الصبح معدوم وعاجز لسانه .. لا يربّط .. حزامــه وبعض البشر لا نام ماوده يقوووووم يقضي عبادات .. الصيام بمنامه ..!! يجمع صلاته يوم يقعد من النوووووم ويطلب لقا ربـّه .. بيوم القيامه ..!! لاصار صومه نوم .. وشوله يصووم ربه .. ترى ماهو .. بحاجة صيامه وبعض البشر عن ماذكرناه محشووم يتعب على صوم رمضان .. وقيامه |
أخـــــــــــــــــــــي المسك
مواقف طريفة وكثيرا ما تحصل .. :cutelaugh
أسعد الله أيامك .. وأدام فيها السرور .. :) تحياتي .. ودمتم سالمين :D |
إقتباس:
أختي رعشة هدب حفظك الله حياك الله وبارك فيك أسعدنا مرورك ومداخلتك الجميلة تحياتي وتقديراتي لك المسك |
الموقف الخامس
السالفه .. ماهي بحاجة .. لتصعـيد موقفك .. جاهز .. منتهي .. ما يبـيـله لااتجيب فينا العيد .. بدري على العيد قدامنا .. سته وعشرين .... ليله ..!! ياصاحبي سرْعَتـْـك كل مالها .. اتزيد خفف .. ترى كلٍ .. تحراه .. عـيله كانك تدور صيد .. ماعاد به صـيد ..!! فرّطت .. في شهر ٍ فضيل .. بفضيله ..!! من قالك ؟؟ تسهر .. وتعطي .. مواعيد ؟؟ حتى لو انك .. ماانت راعي .. طويله والله لو بيدنا .. عطيناك .. تمـ ـ ـ ديد .. لكنّه .. اذّن .. مالنا فيه .. حيـ ـ ـله بس هـ دّ .. تكفى .. لا تحضّر بنا العيد قدامنا .. سته وعشرين .... ليله .. !! |
الدين النصيحة
[quote]الرسالة الأصلية كتبت بواسطة Almusk
[b]
الموقف الخامس
ياصاحبي سرْعَتـْـك كل مالها .. اتزيد خفف .. ترى كلٍ .. تحراه .. عـيله أخي المسك : كم هي جميلة هذه النصيحة بارك الله فيك . وأثابك أجر ماصنعت .. ودمتم سالمين :D |
Re: الدين النصيحة
إقتباس:
وفيك بارك وعنك رضي أختي الكريمة |
الموقف السادس ما فيش؟ :(
الموقف السابع أيضا ما فيش:eek: :) |
الموقف الثامن :
في ليلة الثامن .. بدينا بالاهمال ....... وصار الشهر .. عند الكثيرين عادي مدري !! بدينا ننتظر شهر شواال ......!! والا شهر شوال بالفعل بادي .. ؟؟ يعني بدال نصير نخلص بالاعمال ........!! نزداد عن رب العباد .. ابتعادي ..؟؟ عن التراويح .. نتعذر .. بالاشغال .......!! واشغالنا مابين ... سوق ونواادي غزل .. اتمشي .. مشترى .. كذب .. تفصال " حراء " طبعا غير .. " سوق البوااادي " غزل .. ( على وِدنه ) .. وترقيم .. واهبال ومحاضرة .. للشيخ .. جوهر .. عبادي استغفر الله .. وأسأله .. يرحم الحااال صرنا بوادي .. والعباده .. بوادي ..!! |
صدقت
أخي المسك :
للأسف هذا ما نلاحظه .. لقدفقد الكثيرين الأحساس بنعيم رمضان وفضله .. فما أن تمضي الأيام الأولى .. حتى يبدأ الكثيرين في التكاسل عن العبادة .. لدرجة أن الواحد منهم ليمضي عليه الشهر الكريم .. كغيره من الشهور .. هباءا منثورا وفقك الله للصيام والقيام .. ودمتم سالمين.. |
Re: صدقت
إقتباس:
ونسأل الله أن يردنا إليه ردا جميلا، وأن يعيننا على أنفسنا، فنمتثل حديث الرسول صلى الله عليه وسلم ((يا باغي الخير أقبل ويا باغي الشر أقصر))... لك أوفي وأكمل تحياتي وتقديراتي |
إقتباس:
يا ترى هل منعت الرقابه إدراجها .. ؟؟ ;);) لا زلنا مستمتعين أخي الحبيب المسك بهذه المواقف الرمضانية رغم الألم الذي نجده في بعضها ولأننا نعترف ببعض ما جاء فيها تمنى أن تدرجها كاملة دون ( رقابه ) فقليل الألم قد يعيد الصحة ..:) تحياتي :) |
إقتباس:
كل ما قلت ممكن;)، لكني في النهاية لم ولن أستطع إدراج هذين الموقفين على الأقل هذه الفترة;) وسأكمل بالموقف التاسع |
الموقف التاسع :
دايم .. اليا قالوا : (( شـباب .. وعلى الدين )) ..!! أسكت .. على بالي .. فهمت العباره ..!! أدري بها .. زينه .. !! .. ومفهومها .. زين .....!! واكيد .. واضح .. مايبيله .. شطاره .. !! ) واحد رقم )..( زايد ) .. ( رقم واحد ).... ( اثنين ) لكن .. مهو كل .. الكلام .. استعاره .. !! يعني .. مثل : لا قلت لك .../ ... صلَ .. هالحين ..!! هي نفسها .. لا قلت : .. ولع زقاره .. ؟؟ وش دخّـل .. اهل الدين .. بـ ( محمد .............. ) اللي .. فقع .. في .. كبد ابوه .. المراره !! مافيه شي .. اسمه / .. شبابٍ .. على .. الدين ..!! إلا .. شباب ٍ .. يستحق .. .. العباره ..!! شفهم .. !! .. اليـَا أذ ّن .. ينقلون .. الكراتين ويفطّرون .. الناس .. عند .. الإشــاره |
الموقف العاشر :
ثلث .. الشهر .. عدى .. وعدت .. لياليه مسكين .. يامن في معاصيه .. لاهـي كلْ مـ الشهر .. ينقص .. يزيدن .. معاصيه ويزداد .. مع زود المعاصي .. تباهـي من لا هداه الله .. وسمح .. خطاويه ....!! مايردعه .. عن منكر الفعل .. ناهـي ليل الشهر .. بين البرامج .. يقضّيه ...!! متحطم .. ( بهيفا ) .. ومعجب ( بزاهي ) محتار .. مايدري وش اللي .. ينقيّه ..!! مثل .. اليتيم .. اليادخل .. بالملاهـي من " مهزلة طاش " .. " لسخافة .. دقـ دّ يـه " لقريقعان .. وغانيات .. المقاهـي ...!! صارت .. تردد بينهم .. كلمة " أ و مـبـيــه " يالله تحفظ .. عقولنا .. مثل ماهـي ..!! كن الشهر .. موسم .. برامج .. وترفيه ..!! من فاهية وجه ٍ .. إلى وجه .. فاهـي ويالله .. تثبتنا .. فــ باقي .. // .. لياليه ..!! وتذكّر اللي .. عن عبادتك .. ساهـي |
أخوي الفاضل ... المسك ومن جميع مواضيعك دوماً يفوح ريح المسك والعنبر لاهنت ياغالي سلم حسك ودام نبضك واسعد الله قلبك في رضاه لك تقديري وتحياتي :) |
رائع يااخي المسك... موضوع جميل جدا.......وبه شفافية ووضوح كبيرين... ثبتنا الله واياك على الطاعة والعبادة....:) |
ماشاء الله تبارك الله.... شاعر مميز..ووصف رائع.....(وعلوم ريايل:D) ومهما قلت شهادتي مجروحه...:) |
إقتباس:
:) أختي الشاعرة همسة عنا حفظك الله ورعاك أسعدني جدا عودتك لنا وأسعدني أكثر تفضلك بقبول الإشراف مع أختي همس الأحاسيس على خيمتة بوح الخاطر، فهذا مغنم لنا جميعا، فحياك الله يا أختي وبياك وجعل الجنة مثوانا ومثواك... أشكرك أختي على مداخلتك و لطيف عباراتك، وربي يسعدك ويوفقك وينفع بك... أخوك المسك |
إقتباس:
أختي ورد المستقبل حفظك الله ورعاك أشكرك على مداخلتك وتعليقاتك الجميلة والله أسأل لي ولك ولجميع إخواننا في الخيمة التوفيق والهداية والسداد... |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.