|
الرجل ...أي نوع من السيارات؟؟
دايم الاشياء اللي حولي من الجمادات تذكرني
بالأشخاص واكثر هذه الاشياء السيارات فمثلا ::: الجمس / كنه رجال اسنافي معلمته امه على المراجل والعلوم الغانمه بس انه جلف وتظنه فقري وهوعنده خير. الشفر/اخو الجمس من ابوه وامه من الحريم الي لك عليها شوي وعلى قوله الشاعرواخلاق الوليد تقاس حسنا بأخلاق النساء الوالداتي يعني هو والخلا واحد اما العراوي / رجال شقردي ومنحاش من الفقر لكنه لاحقه اما السكسويل /رجال وابشر بسعدك بس نفسه براس خشمه. المازدا/ رجال ارسله وين ماتبي ولا هوب رافض بس إنه ما يدري وش السالفه ويمكن يوهقك!! الرولزرايس/ شيبه مريش ما خلا عمليه شد ولا شفط ولا ترفيع ولا ترقيع إلا سواها يحبونه العجايز ويمتون فيه. المرسيدس /رجال وسيم وجذاب وعينه زايغه ويهدد بالتعدد بس انه ما يصمل ما دري وش السبب يمكن برستيج يمكن بخل!! البي ام دبليو/ شاب طموح لاهي يدور الفرص غايته تبرروسيلته! الأودي/من ناس طيبين لكن المشكله الخوال والصبي وان جاد جيده من خواله وان تردى فعلم انهم خيبيني.. اللكزس/ من الاغنياء الجدد فيه رفعة العز وكنه ماهوب مصدق .. الفي اكس ار/ رجال عصامي بنى نفسه من الصفر بس ما يمتع نفسه بلي اجمعه دايم عابس ومكشر الا اذا طلع البر! الهمر/رجال يحب النوم والله يسترعلينا وعليه له بس الحق حق راعي فزعه ونخوه بس متى تجي.. البورش ولمبرغيني/ شباب الله يصلحهم معطينهم اهلهم ذا السيارات ومخلينهم داجين في الشوارع الله يستر منهم!! المستوبيشي/ رجال متلته ما لقى من تزوجه وجهه شين وطبعه شين والعذر والسموحه من حماة البيئة اهل القصص الطريفة |
عز الله انه وصف:grin: أكيد الموضوع الجاي سيكون حواء...أي نوع من السيارات؟؟:D |
:D :grin: :grin: |
اله يسامحك اخوي غيث والمرأة تشبة الجمادات ...؟؟؟؟؟ :New9:
|
أيه نعم!! أقولك كيف!:New1: إتفقنا إن الرجال يشبه السيارات .. ومتفقين إن حواء من ضلع آدم... يعني إن حواء هنا تصير باب سيارة ..وبالتالي جماد:New2: |
إقتباس:
غيييييييييييث هيدا كتير جدا:New12: أختي على رسلك وبماذا تذكرك المرأة التي تملك بي ام؟؟ وشكرا على الاجابة اختي الغالية |
استعنا على الشقا بالله !!!! وبدينا معك يا الاخ غيث اللى قبل
نبدأ انت طلعت اي نوع؟؟؟؟ اذا ما فيه احراج!!! لا تكون المرسيدس :New9: ثانيا حنا ما اتفقنا على شئ انت وافقت !!! بس انا لا !!! على كان ما راح اكسر كلامك !! اذا كان ولا بد فحنا !!!المممممممممماكينه !!!!!!! مسالة الجمادات !! دامك نسبتنا لكم فما حنا الا جزء من كللللللللللللل ونصبر على ما صبرتوا علية ......؟؟؟!!!!!!! |
اختي اوركيدا ...
انا اشبه السيارات بالرجال ..!! بالنسبة للمراة اللي بتسوق بي ام فأعتقد انها بطله اللي استطاعت ان تلفت نظر هذا الشاب الطموح (( اللي هو بالطبع بي ام )) بس لازم تحذر منه تراه انتهازي !!! |
بسم الله الرحمن الرحيم دخلت وكلي لهفه،ولكن حمدت الله أنني لم أجد سيارتي من ضمن التصنيف العام حيث أن سيارتي "تايووووووتا" ( :New2: )،على كل حال أختي الفاضله على رسلك،لكِ كل الشكر على موضوعك الذي يُذكرني بالميكانيكي الذي أتعامل معه،فله أرآء وجيه في الحكم على الأشخاص طبقاً لنوع السياره التي يملكونها ( :New6: )،دمت بخير. والسلام عليكم ورحمة الله. |
لا لا اخوي مقبل .. انا ما اشوفهم على... حسب سياراتهم وش يكونون
السيارة نفسها تذكر بالاشخاص وليس العكس ..وانت شكلك والله اعلم على الاطباق الي تقدمها ((جمس)) كامل الزيادات موديل السنه .. :New9 |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.