|
عـشــــرة مـواقـف رمــضــــانـيــــــــــة
للشاعر خلف المشعان
الموقف الأول
البارحه رحت .. اتقضى من .. السوق هل رمضان ورحت اجيب المقاضي لقيت لي واحد .. من الربع مطفوق اسمه اذا ماني بغـلطان .. راضي سلم علي .. وصار يطـلبني .. حقوق تقــول انا مذنب وهالأخ .. قاضي جلس يسمعني .. من الشعر .. طاروق وانا ورايه شغل .. مانيب فـاضي يقول هذا البيت : .. ماهو بمسرووق : " يانوض قلبي نوض براق ناضي " ؟ حاولت اجيه بذوق .. مافاد به .. ذوق ولا فاد به .. تلميحتي واعتراضي قلت العفو !! ياخوك انا الحين مزنوق والشعر كله .. صارلي فعل ماضي صدري على وجه الشهر صار به ضوق رغم ان خلقي .. كان جداً رياضي الا انه اجبرني .. اخلي له .. السوق جانا رمضان ولا شريت المقاضي |
السلام عليكم اضحك الله سنك :) بس عاد سعة الصدر زينة على طول فهي من الخلق الأسلامي الحسن وهذا ما اراد الشاعر ايصالةوهذه رسالة للحلم فهو سيد الأخلاق . استاذنا المسك احسنت على النقل تقبل تحياتي:) |
إقتباس:
:) حياك الله أخي الكريم أحمد،وأسعدني تواجدك ومداخلتك الجميلة النافعة... لك خالص و وافر تحياتي وتدعواتي أخوك المسك |
الموقف الثاني :
كم لي شهر.. ماشفت .. حامد .. وفرحان ربع ٍ .. لياغاب الخوي .. يفـقدوونه رغم انهم .. ماهم .. بعيدين .. جــيران حامد ورى المسجد .. وفرحان دوونه إلا انّ هالدنيا .. خذت .. عقل الانسان ونابت أذانه .. عن مهمة عيووووونه أصبح فلان .. اليوم .. يسمع عن فلان وكلٍ سعى في هالحياة .. بشؤووونه دنيا المشاغل .. فرقت .. بين الاخوان يموت ابوهم .. والعزى .. مايجووونه رحمااااك .. ياربي ونسألك .. الاحسان نطلبك .. عن هول الزمان .. المعوونه اليوم ( صدفه ) شفت حامد .. وفرحان بالمسجد .. اللي توّهـم .. يدخلوووونه قبل رمضان .. تشوف به خمس شيبااان واليوم كل الحي .. صاروا يجووووونه |
الموقف الثالث :
قبل الفطور بربع ساعه اتخبرون كلٍ .. ببيته .. للفطور .. يتولم وانا تورطت بهديفه ,, ومجنوون تصادموا .. والكل قام .. يتظلم هذا يقول أنت آعـَمى مالك عيون وهذاك .. من هول الفجيعه تبلم قدام بيتي .. قلت يالربع تدرووون تفضلوا بعد الفطــور .. نتكلم عيا الهديفه قلت له : طيب شلون نبقى هنا ؟؟ قال ايه ، قلت اتحلم لو ننتظر لين الحكومة يمروووون كد للإمام من التراويح .. ســلم قلت اسمعوا .. وش رايكم لو تطسووووون مدري متى .. شعب الخليج يتعلم |
الموقف الرابع
محدٍ بهالعالم من الذنب معصوووووم نسألك .. يارب العباد .. السلامه بعض البشر بوزه على الصبح ملموم نفسه بخشمه .. لا قعدوه .. لدوامه تلقى " فرامل خلقه " الصبح معدوم وعاجز لسانه .. لا يربّط .. حزامــه وبعض البشر لا نام ماوده يقوووووم يقضي عبادات .. الصيام بمنامه ..!! يجمع صلاته يوم يقعد من النوووووم ويطلب لقا ربـّه .. بيوم القيامه ..!! لاصار صومه نوم .. وشوله يصووم ربه .. ترى ماهو .. بحاجة صيامه وبعض البشر عن ماذكرناه محشووم يتعب على صوم رمضان .. وقيامه |
أخـــــــــــــــــــــي المسك
مواقف طريفة وكثيرا ما تحصل .. :cutelaugh
أسعد الله أيامك .. وأدام فيها السرور .. :) تحياتي .. ودمتم سالمين :D |
إقتباس:
أختي رعشة هدب حفظك الله حياك الله وبارك فيك أسعدنا مرورك ومداخلتك الجميلة تحياتي وتقديراتي لك المسك |
الموقف الخامس
السالفه .. ماهي بحاجة .. لتصعـيد موقفك .. جاهز .. منتهي .. ما يبـيـله لااتجيب فينا العيد .. بدري على العيد قدامنا .. سته وعشرين .... ليله ..!! ياصاحبي سرْعَتـْـك كل مالها .. اتزيد خفف .. ترى كلٍ .. تحراه .. عـيله كانك تدور صيد .. ماعاد به صـيد ..!! فرّطت .. في شهر ٍ فضيل .. بفضيله ..!! من قالك ؟؟ تسهر .. وتعطي .. مواعيد ؟؟ حتى لو انك .. ماانت راعي .. طويله والله لو بيدنا .. عطيناك .. تمـ ـ ـ ديد .. لكنّه .. اذّن .. مالنا فيه .. حيـ ـ ـله بس هـ دّ .. تكفى .. لا تحضّر بنا العيد قدامنا .. سته وعشرين .... ليله .. !! |
الدين النصيحة
[quote]الرسالة الأصلية كتبت بواسطة Almusk
[b]
الموقف الخامس
ياصاحبي سرْعَتـْـك كل مالها .. اتزيد خفف .. ترى كلٍ .. تحراه .. عـيله أخي المسك : كم هي جميلة هذه النصيحة بارك الله فيك . وأثابك أجر ماصنعت .. ودمتم سالمين :D |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.