احذر كلامــــــــــــــــــــه.....................
 

السلام عليكم ورحمة الله وبركاته


يا صاحبي احذر من اللي بك يخون
احذر يغرك يا رفيقي كلامه
واحذر بعد من ضحكته الك بسنون
لا تغرك الضحكات والابتسامه
يجيك في لون واذا راح في لون
لوكان مفطر يدعي لك صيام
لاتأمنه له بالخيانه تري فنون
لوكان يبدي لك كثير اهتمامه
لاجاك مقبل ما رفع فيك عيون
وتلقي سلامه الله ...محلي سلامه
ولامنه اقفي عنك في قلبه لحون
ابليس يغنيها ليوم القيامه
يا صاحبي شفني انا منه مطعون
في ظهري سهامه وصدري سهامه
كله من اسباب الثقه بناس يبغون
تكثر علينا الرجال الملامه
يا صاحبي اسمع كلامي ولا تهون
الشخص هذا جنبه ......بالسلامه

نصيحة هادفة وشاعرية

مشكور ايها الحرق الظريف


-------------------------- الشادي

هلا بعمر الغالي
اشكرك جدا
وارجوك لاتقول شاعريه بعدين اصدق وروح البحر اكتب شعر
وبعدين شنهو يفكم مني ومن شعري

يسلاااااااام حروووووق...
وين هل المواهب ..من زمااان..
تستاهل..صبة الفنجان..مدها يمناك..لاعدمناك..
سـ همسه ـاجده*

هلاوين همسه
والله ثم والله يلفنجان ضارب براسي ومدوخني
وبعدين تدرين اخر الايام الواحد وده ينذكر بزينه
وهم بعدين تراني ما اجي عندك بشي انتي الاستاذه
لا عدمناك

وش دعوه حروووق
انت تودع..على العموم..كمل قهوتك..
يااستاذ..الحرق المهيني..
سـ همسه ـاجده*

قهوة دايمه ويعز اصحابها
اهل الكرم والجود
ولضيف يقدمون الروح
عرب احنا للكرم عنوان
ولك يا همسه احلي تذكار
---------------------
لازم نودع باقي من الزمن خمسة ايام
في صندوق يم بابكم مريت وحطيت فيه شوية اغراض
يقولون هذا صندوق همسه
------------------
قال صالح بن عبد القدوس:
قل للذي لست ادري من تلونه
انا صح ام علي غش يناجيني
تغتابني عند اقوام وتمدحني
وفي اخرين وكل عنك ياتيني
هذان شيئان قد نافيت بينهما
فاكفف لسانك عن شتمي وتزييني
-------------------------
اخوكم .......الحرق

شدعوه.......شدعوه
تصبين الفنجان وتمشين.......الفنجان الواحد ما يجيب الراس
واقولك خلاص حطي الدله جنبي وانا اصب الروحي
وبعدين انتي عندك ئيميل ليش ما تشيكين عليه

من طبعنا نكرم ولو مابه ريال
وتلقي مع الترحيب طيب... وفزه
يوم ان بعض الناس تاجر ولا طال
من العلوم الطايلة كبر....رزه
قال المراجل نسفة شماغ وعقال
ما همه الا قولة فلان ......رزه

"كله من اسباب الثقه بناس يبغون
تكثر علينا الرجال الملامه"

صح لسانك يا حرق