|
فلسطيني .......
فلسطيني
حروف اسمي بتصرخ آه فين عروبتنا؟!! بيخنقها الأنين و الآه وتتقطع علي سكوتنا و تتوارى أمانينا و تتبدل رجولتنا تضيع ف التوهة نخوتنا وتصرخ أرضنا منا .. وتتمني تشوف موتنا لأن الذل صار قوتنا ومأوانا وعزوتنا !!!! فلسطيني ،، حروف اسمي بتصرخ آه فين تاهت عروبتنا ؟؟؟ فلسطيني ،، حروف اسمي نهار واضح وقلب القلب ما يسامح لو اتخاذل !! لو اتنازل !! لو ضاقت بُه أحواله ما يتكاسل ما يتنازل علي أشلاءه ح يواصل طريق النور ،، بقلب جسور ما هوش هاين ولا خاين ولا جايز تقول كاين فلسطيني،، حروف اسمي ،، بلا تبديد ولا تحديد ولا اقرار ولا ذمة ولا محتاجة لللمة لجلن تصحي يا أمة !! و أنا محتاج لثوارك يموتوا و ياخدوا من تارك كفاية نيام كفاية النوم مع الأوهام حروف اسمي بتصرخ اصحي يا أمة فلسطيني ،، حروف اسمي بالعدد سبعة بتنزف كلها دمي وتخطف م النهار شمعة يا نهر فرات ،، طوفانك أتي من دمعة !!! حروف اسمي يا أرض النور ،، بتتألم نيران والعة وبركاني يفور ،، يهدر يحاوطني الألم يغدر ما يهزمني ،، ولا علي حلمي راح يقدر يا أرض النور دة أنا ابنك فلسطيني !!! الفاء ،، فداكي دنيتي وناسي يا أرض النور يا نبراسي يا مرسى المصطفي قومي ..،!!! وداوي جنوني من راسي فديتك بالحبيب والصحب فديتك ف الهوان والكرب فديتك بالأمان الصعب !!!! بنفسي كلنا واحد يا أرض النور ،، يا نهر الحب ،، امتي بس نتواحد ؟؟!! اللام،، لاموني وقالوا يوم بيعتك وانا متباع من قبلك ويشهد ربي ما خنتك بجرة من قلم غادر تراب الأرض يتصادر باعوني وباعوا أحلامي وضاعت مني أيامي ورغم المنفي أنا صنتك ما بين الضلع و حشايا ولملمتك جروح حيرة تزيد الآهة جوايا ولا نسيتك!! ولا رميتك !!! ف قلب وريدي خبيتك يا أرض النور انا منك فلسطيني السين ،، سنين مرة ،، من يوم تمانية واربعين ما أعرف لها طعم السنين!! ما أدري اذا كنت ف شبابي ولا عديت الأربعين سنين مرة وسرقوني سرقوا الضي ف عيوني ولا موني !!!!!! وساوموني علي بكرة وباعوا واشتروا فيا و أنا وحدي بقلب حزين وحلم ضنين سنين مرة !!!! بانادي عليك يا فلسطين !! الطاء ،، طريق مشيناه وح نكمل في قلب الآهة ما نتململ طلينا قلوبنا بالصبار وقلنا لابد نتحمل طابور خامس طريق سادس أمانينا ما ح نسلم يا أرض الخير يا جرح أسير في قلب القلب متعلم الياء ،، يمامة ف الفضا ناحت علي أقصى أسير الخوف وريحة ذُلنا فاحت وحرقت قلبنا والجوف يهون الجرح يا وطني يهون الدم يا وطني لو صار حلمنا مخطوف النون ،،، نشيد بكرة لأطفالي أنا عربي ،، اسير حبك يا أوطاني ندي صبحك يصحيني تراب ارضك يغطيني وشمسك تحي ايامي انا عربي فلسطيني اسير حبك يا أوطاني الياء ،، يا رب العون أنا طالب بدمي الحر أكون غالب أرجعها لحضني غالية مشتاقة ،، ولا سيبهاش لمين ناهب !! يا رب العون أنا الغالب فلسطيني حروف اسمي بتنطقها بتحلمها بتعشقها يا ارض النور …!! |
في العتمة الثقيلة لليل ذل عربي لا يوصف، ذل لا يوصف مقترن ببطولة لا نظير لها لشعب أعزل تآمرت عليه البسيطة ، يأتي صوت أختي منال ليعبر ويتمرد على واقع مرير..
دام لنا صوتك يا منال الخير.. يقول أحمد فؤاد نجم يا فلسطينية والبندقاني رماكو بالصهيونية تقتل حمامكو في حماكو يا فلسطينية وانا بدي اسافر حداكو ناري في ايديا وإيديا تنزل معاكو على راس الحية وتموت شريعة هولاكو |
ويبقى الجرح نازفا
اللهم عجل بالفرج بارك الله بك اختى منال |
أخى محمد ب ،،
تحياتى الغالية واعلم أخى سيبقى الصوت متمرداً الي ان يفرج الله عنا كربتنا لكن.... ان الله لا يغير ما بقوم حتى يغيروا ما بانفسهم أشكرك أخى الكريم علي تشجيعك لي مع خالص التحية |
أخى الصمصام ،،
تحية طيبة معطرة بعطر الحرية والاخاء بارك الله لي في امثالك وجعلك دوما فخرا لخيمة النثر والعامية أختك دائماً |
أختي منال،
كلمات مؤثرة، وآهات مبرحة، لا نملك إلا أن نزفرها بين الفينة والأخرى، و(نتمرد) بها على واقعنا المهين. بارك الله في كلماتك، ولا حرمنا الله من زفراتك. |
شاعرنا الرائع عمر مطر،
سلمت وسلم يراعك الذي تواضع وكتب تعليقاً علي كلماتى البسيطة خجل القلم وخجلت أناملي ان تكتب رداً لان أي رد لن يليق بك ايها العزيز شكرا لك مع أجمل التحية أختك دوما |
Powered by vBulletin Version 3.5.1
Copyright ©2000 - 2025, Jelsoft Enterprises Ltd.