الناس في بلادى ....( بالعاميه المصريه)
 

الناس في بلادى نفسها تفرح مره .... من القلب

نفسها تدمع عينها من الفرح ..... بدل الاحزان



نفسها تصحى مره من النوم وتلاقى الحال بقا غير الحال



نفسها بس تكون ... ماشيه الأحوال ..


بتحب تشوف في ضمير بكره مرسوم الفرح..



وتحس انه مهما طال الليل ... من بعده نهار



أمانه ياللى في أيدكوا قلم .. ترسموا به فرح



تكتبوا به كلمه ... تردوا أمل في قلوب



خليت منه بقالها زمن ...



ممكن .....................



والا الحزن علينا انكتب أيام وسنين ؟!



والفرح بقا ذكرى بعيده م العيد للعيد ..!!



بنخاف نضحك لحسن ننسا لأنتفاضه هناك ..



ونلوم على قلوبنا لو لاحت فيها بشاير فرح..



أزاى نفرح أخوانا هناك.. رافعين لاسلاح ..!!

واصلين ليلهم مع الف نهار ....



شايلين أرواحهم بكففهم فدا للأوطان ..



أطفالهم .. مش زى بقيه لاطفال ..



أطفال بيعيشوا طفولتهم في لهيب النار



ومدافع هون بتضربهم...



متزيدهم الا ايمان فى ايمان ...



يحصد أرواحهم يوميا .. رصاص غاشم



وأدين بدماهم محنيه ...



ميزيل عنها دماهم ابدا طول لاستعمار



.... راح أقول على مين ولا مين



....ما انتم عارفين ...



الظلم بذوره أتزرعت .. وثماره بدأت تتكون ..



وحيحصدها بكره الأشرار ...



لازم يا ولادنا تكملوا .. دا طريقكم و انتوا بدأتوه



ميشلش غيركم همكم ..

ولا حد يرفع ذلكم ... غير اهلكم



..... واطمنوا .....



لازم حيكون لليل أخر ... وأن طال



وأكيد من بعد الليل حيكون فى نهار



وأكيد حينتهى في يوم من أرضنا .. لاستعمار



وساعتها ... نفرح كلنا ملىء قلوبنا من غير خوف



مش قلتلكم ....



الناس في بلادى نفسها تفرح مره من القلب ..



نفسها تدمه عينها من الفرح .. بدل الأحزان ...

الأخت رشا
صدقتي نود الفرح ونود ونود ونود........
لكن
كيف سنحصل عليه؟
في زمن العجايب

تعبير وإحساس راقي بآلام المجتمع والناس وهموم الأمة
سلمت وسلم حرفك