لا تفوتكم . الهوشه بين المملكه والفيصليه
 

هذي يا جماعة الخير هوشة صارت بين برج الفيصلية وبرج المملكة والي
مرتزات في طريق الملك فهد في الرياض وبصراحة وقفت سيارتي وجلست
اتفرج واسجل لكم كل الحوار الي صار بينهن وتعالوا نشوف وش السالفة....
برج الفيصلية : انتي يالدبا .. اقول يالدبا
برج المملكة : خير يالعصلا وش تبين
الفيصلية : اقول وراك ترتفعين واجد وتطلطلين علي عيب خليك بحالتس ..
وعععع كششش عليتس
المملكة : يؤ .. وش دخلك انتي يالعصلا .. انتي ماتعرفين النظام ,,
والا غايرة
الفيصلية : قالت ايش قالت غايرة .. روحي بس روحي .. وش اغار منه تكفين
على سمنك والا على جثالتك
المملكة : لالا والله .. اسمع اسمع مره ثانية .. ايييه ياخيتي جثلة
الناس يحبون الجسم الزين اجل عصلة
الفيصلية : انا جسمي الحمد لله زين ورشيقة منيب دبا
المملكة : روحي تكفين شوفي وجهك بالمراية .. انتي وهالصعرور الي براسك
كنه صلعة راس هندي زعلان عليه ابوه ومالقى شغل ( الصعرور هو
المطعم الدائري الي اعلى البرج )
الفيصلية : لا ياشيخة هذا مطعم يالقرويه وش عرفك بالزين الناس تجلس
تاكل وتتفرج على الرياض كله .. وع عشتوا
المملكة : عشتوا .. عشتوا .. بغيت اجيب لك دبوس انفشه حسبته صعرور
ياوخيتي
الفيصلية : روح بس انتي وقرونك الي طالعات تقل مشافيح يدورون لهم على
رزق
المملكة : قرون .. قولي قولي .. قرون ياشين القراوه بس اذا تمدنوا ..
هذولي برجين اعلى برجين في المملكة كله
الفيصلية : عشتوا .. اقول يالقديمة وراك حاطة طوق فوق راسك .. تمدني
الله يعافيتس فشلتيني .. حاطة طوق وين الناس
المملكة : طوق وعععععععععع ياشين اللي يحتكون هذا جسر معلق يمشون عليه
الناس يربط بين البرجين قالت طوق كشششششش عليتس ... يا حسرة
الفيصلية : اقول ... تعالي شوفي الناس عندي كنهم رز في كل ركن فيني
منتشرين يالغيارة
>المملكة : طيب .. اصبري شوي .. كلها كم شهر واسحب هالعالم منك وتبحلين
بعمرك .. تهفين الذبان
لفيصلية : عشتوا ... اهف الذبان ليه وش قالوا لك سوق اوشيقر ياوخيه
المملكة : لالا مو قصدي بس ابي اسحب هالعالم منك
الفيصلية : ياليتك تفتحين وتريحيني من هالزحمات والله
المملكة : ان شاء الله قريب بس لاتواخذيني يا وخيتي اذا اخطيت عليتس
وقمت اتطلطل ترا انتي تعرفين شفاحة الحريم .. ابشوف وش احط للناس اذا
جوني .. تعرفين عرسنا وافتتاحنا قريب ان شاء الله
الفيصلية : هاااو وش دعوا ياحافظ ازعل .. الا والله شكلك حلو ومميز ..
انا من زمان ادور لولدي عروس هههههه عاد تراي امزح معتس
المملكة : هذي الساعة المباركة الي شرفتينا فيها
الفيصلية : لا وش دعوا انتي ماشاء الله عليتس حلوه وكل واحد يتمناك له
المملكة : لا وش دعوا .. انتي جميلة ورشيقة وطالعة وش ملحك في الليل
مغير اتمحلق فيك كل ليلة
الفيصلية : الا مار هذي الساعة المباركه الي جمعتنا سوا جارات والله
انك مملحة الطريق ومملحة الرياض كله
المملكة : ماعليك زود العين ماتعلى على الحاجب انتي الكبيرة ولك
الاحترام
الفيصلية : يالله ياوخيتي استري ماواجهتي ... ترا الدعوة مزح وضحك ..
مالي الا الله ثم انتي في هاطريق هالحين . اوسع صدري معها
المملكة : لا وش دعوا ماواجهني الا الخير يالله مع السلامه جوني
العمال يبون يركبون السقاله على رقبتي بيرفعون البرج المعلق خليني
اتغطى
الفيصلية : يالله في حفظ الله وانا بعد جانا الليل ابروح اولع الانوار
علشان تشوفني الطيارات لاتجي
وحده وتصبخني مع جبهتي .. انتبهي وانا اختك ولعي اللمبات في الليل
علشان هالطيارات تنتبه تراك عاليه بالحيل اسم الله عليك
المملكة : تسلمين والله يالغالية .. ابشري
واخيرا تصالحوا وتحابوا وجلسوا يتحاورون كل يوم جارات
وش علينا بعد ...

حلللللللللللللوه

تجنننننننننن تجنننننننننننننن

ياحليلهم لا يتهاوشون بعد ياليتنى جايه أشوف الهوشه

أقوول تحدوه البشر كنت موجود يوم تهاوشو

:D :D :D :D

ياليتني حضرت بدايه الهوشة ...... :D :D

نفسي اشوف وشلون الحريم يدوس بعضهم في بطون بعض :rolleyes:

مشاركتك يابو التحدي يا خيي تحدوه البشر رائعة وانت رائع كما عودتنا :D


و تقبل التحية :D ;) :D

:D :D :D :D \


بس اش يعني جثله؟؟؟؟؟؟؟؟؟؟؟


ملوكه:)

back

مساء الصبح . صبح المساء

اخباركم ان شالله مبسوطين وش كنت بقول ايه .

يا بنت النور انا عيوني على جداركم .

ادري انها تجنن لان فيها جن هابلك هالجن الله يستر بس لا يكون جو للشرقيه انتبهي من الجن والتكيله بعد..
اما الهوشه فاتتك انسدت الشوارع والناس واقفه والدوريات تفك لين جاء برج التلفزيون فك بينهم ولا قدر ونادا برج المويه ولا قدر ونادو برج العذار قلبها ابراج :confused: المهم الي فك بينهم ملحق بيتنا ...
اكيد كنت موجود انا الي شبيتها بينهم :gun:


----------------------

العاشق عشرت االاف وخمسطعش ..

والله فاتتك اول الهوشه احلي شي كل وحده تنطل كيس اسمنت على الثانيه لين جت وحده منهم رفضت ذكر اسمها ورمت صقاله ( ادري ان الملاقيف بيسالون عنها بس ماني معلمهم :p ) على الثانيه وتكسر قزازتها بس اشوى ماجب بالعظم جرحت الصبه بس ...

والله انت الرائع انت وامثالك بس احس انهم بدو يعادونك باللقافه :p


-----------------------

ملاك اللقافه ( الشرقيه ) ..

اصلا الفيصليه قالتلي لا تعلمهم عن الهوشه لاكن لاني ادري انكم منتب مخلينها في حالها لين تعرفون كل شي قلت خل اريحكم واريحها لانها مسكينه كل يوم تسال العماير الي جمبها تقول درو حزب الملاقيف ( الكور الي مدري وش فيها ) ولا لا بس هذي معناها ..:p :D



يالله افسحو الطريق

يعنى انت ياتحدوه اللى شابها بينهم ............


ليش لييييييييييييييييش:mad: :mad: :mad:


تصدق بديت اشك انك من حزب الملاقيف يالعضو الملقوفى :p


وبعدين الشرقيه مافيها جنون قل Whay


لأنهم بس شوف ماتقول لأحد قررررررب أذنك :D :D


لأنهم خايفين من الشيعه اللى مطلعينهم من طورهم 00000

أحد سمع ......... لا ...ما أظن صح تحدوه


;) ;) :D