حفل زفاف سيارة
 

يسعدنا دعوتكم لحضور حفل زفاف السيد"بي ام دبليو" على السيدة"مرسيدس" ملكة جمال العالم،حيث سيحضر هذة المناسبة نخبة من كبار الشخصيات،امثال السيد "فراري"والسيد"جاكوار"والأمير "جيتي"بمرافقةالسيدة"فولفو"
وعدد كبير من الشخصيات،كما سيحضر الحفل عدد كبير من الفنانين مثل"فورد موستنج"والسيدة "هوندا"،وكذلك ستحضر فرقة الصحاري بقيادة قاهر الصحراء السيد"جيب رنجلر"والفنانة المحبوبة"التيما"هانم ومعها كل من الآنسة"كورولا" والآنسة"تيرسل"0
و سيقام هذا الحفل في كراج هيونداي في المصفح بالقرب من محطة ادنوك وبهذه المناسبة سيقوم السيد الفاضل"نيسان باترول" بتقديم الهداياللعروسين و ستكون جميع المشروبات مجانية من البترول والديزل وانواع التشحيم الأخرى،كما سيحضر هذا الحفل النجم الشهير"لاند كروزر" والمصارع السيد"جيب شيروكي"والممثلة"صني" حرم السيد"شفروليت"ومن المؤسف ان السيد"ديسكفري"قد اعتذر عن الحضور لهذه المناسبة بسبب وجود والدته السيدة "سوزوكي" بالورشة حيث انها اصيبت بضربة في الشاسي اثر الضربة التي سببها السيد "همر" نتيجة عصبيته،وللأسف
لن يحضر السيد"ديسكفري" لحزنه على والدته0مع تمنياتنا لها بالشفاء العاجل
ملاحظة:الرجاء عدم اصطحاب الأطفال أمثال رينو وكيا لعدم الاحراج
ودامت دياركن عامرة بالأفراح
عاشقة سراب
شريرة 7

اختي عاشقة سراب

السلام عليكم ورحمة الله وبركاته ..

مناسبة سعيدة والكل يتمنى الحضور بحضور هالعدد الكبير من الربع لكن !!!!!!!!!!!!!!!!!

.
.
.
.
.
.
.
.
.
.
.
.
.
.
.
.

سيارتي موحاضرة مولية .... تعرفية ليش .....

لأنها غير مدعوة لهالخفلة .... !!!! ماشاالله الكل مدعو إلا هي ؟؟؟
.
.
.
وتتمنى للحضور كل خير ... ومع السلامة ....

سقراط وصلللللللللل
الظاهر والله اعلم اني اول الحاضرين
بس اقول عاشقه وين الكرت حقي لا تقولين
ارسلته لك على الايميل لاني توي فاتح الايميل حقي
ما لقيت فيه شئ وبعدين وين ((داتسون باشه))
لا تقولين ما دعيناه لانه هو نكته العرس
اقول عاشقه كيف الغبيه مرسيدس تاخذ واحد زي بي ام دبليو
اكيد ما تعرف ان الولد معه شويت جن اصله بعد وفاة ابوه
دبليو بيك في خورفكان انهبل الولد لكن بعد الفحص الشامل والعنايه المركزه تحسنت حالته بس مو بالمره احيانا تمسك معه غلط
ويقعد يزعج الناس بالبواري والتفحيط والله مسكينه مرسيدس راح تعيش مع واحد مجنون وماراح تعرف الراحه ....
وعلشان تعرفين اني ما امزح راح احضر الزواج بس بعد ما ترسلين الكرت وراح اسحب لي كم جلنط في الحفل وشوفي الولد بعدها وش راح يسوي صدقيني راح يِدعس الحاضرين لكن الله يستر لا يدعس مرسيدس تراه مجنون وما عليه شرهه..........
لكن اقول الله يتمم بخير ومنه المال ومنها العيال
ويا كريم نتزوج حتى لو على شغاله(امزح )
اصلاً انا كل البنات يبوني واحد حلو ورشيق ومؤدب ويعرف
للفيروسات والهكرز وين يبي يلقون واحد احسن مني ........
xxxxxxxxxxxxxxxxxxxxxxxxxxxxxxxxxxxxxx
((سقراط هكرز يطلب من عاشقه كرت الدعوه))
xxxxxxxxxxxxxxxxxxxxxxxxxxxxxxxxxxxxxx

صباح الخير عاشقه سراب ما شاءالله عليكِ
اجدتي تنضيم الحفله كتابياً...اوروفوارآنسه ah

عاشقة سراب..
احسن شي سووه انه ماعزموا الدداسن والهايلوكسات (لانهم ماهم وجيه نعمة اصلا)..
حفلة كوميدية رائعة..شكرا لك وياليت تشتغلين مراسلة لوكالة انباء الخيمة وتروحين للحفلة وتقولين لنا التفاصيل اللي صارت هناك..اوكي
تحياتي DAYEM.

فاتكم يا جماعه ايش صار هناك00
انا رحت هناك اصحاب العروس عازميني00
والا واحنا قاعدين000
فجأه جاتنا هذي الدتسن معصبــــــــــــــــــــــــــه00
و في يدها نعال(مكرم السامع اقصد القارئ)
وتقول00
ليه ما عزمتوني؟؟
قامت تحذف الأغراض وتصرخ وتدق بواري00
تعرفون قرويه ما عليها شرهه
عاد باليالله سكتناها وقلنالها اعذار00
المهم سكتت 00
قعدنا بعدين جا وقت العشا00
ونادينا المعازيم00
الا يجي هالشي اللي كأنه صاروخ ويطب عللى البوفيه00
تدرون وش هالشي؟؟
الدتسن00
اثبتت انها قرويه00
والا في ثانيتتن البوفيه فاضي يصفر00
و انتوا عاد تصوروا الفشيله اللي صارت00
بس تدبرنا الوضع وانتهت الحفله على خير00
كخخخخخخ

دلوعه المتفشله من القراوه
والمقهوره عليهم00

الحمدلله ان سيارتي مدعوة طبعا في حد ما يدعو النجم الشهير
شكرا على الدعوة ياعاشقة على الحفلة.
سقراط عاد في هذي صدقت.
الدلوعة الحمدلله على السلامة بعد زين ما صادك شي من عرة الدتسن وقت ما عصبت عليكم.
مهند

سيارتي, الماكسيما, ماعزموها تدرون ليش ؟؟ كانت الجرل فريند حقت بي ام دبليو بس سيارتي صادته يخونها مع بنت الفولفو (الفولكس واجن الخنفساء) كخخخخ كان ودها تجي تخرب العرس, تفحيط....بس كان عندها ديت مع لا ماقدر اقول يبون علاقتهم في السر


دلوعه اكيد انت من اهل العروس (من قدا عنده شبح)

الدكتور

ما اقدر اشوف الردود

والله ولا يهمك يا دكتور
اسوي لها احلى عرس اذا قررت تتزوج صديقها
المهم
شخبارك؟؟؟؟

اوه يا مهند
بلاك ما شفت المهزلة اللي صارت
والله قام التفلع و التفحط
شغل قراوة ما ينشره عليها
كخخخخ
عاشقة سراب