أرشــــــيـــف حوار الخيمة العربية - حوار بين دب ونحيف تعالوا إضحكوا ,,,,,بس بشويش,,,

ربعي ياهلي...لا يفوتكم هالحوار المقلع بين الدب والعصل.....ماابغى اطول عليكم...لكن اقرو الحوار
بس اضحكوا بشويش..(ايه هين)

النحيف : وينك فيه يا الدب سمعت انك متنكر وموقف في الشارع والعالم يدورن حواليك يحسبونك دوار

الدب : لا يا جنط انا اللي سمعت انك متنكر وخاش مكتبه وقاعد على اساس انك قلم رصاص

النحيف : يا رجال كل تراب والله لو تصبغ جوانبك اسود وظهرك اصفر صرت كنك حراثه

الدب : الحين من زين جسمك والا نسيت يوم طلعنا البر ونمت على طعس بغى يدعسك ونيت يحسبك حيه ( أم جنيب )

النحيف: ابحلف بالله ..انت وجسمك انك لو تنسدح على جنبك الايسر وترفع يدك اليمنى صرت كنك عفريتة قلابي

الدب : قوووووويه لكن شكلك نسيت يوم تمرض وتروح الدكتور وقال نبي نسوي لك اشعهx قال مايحتاج وخذك وحطك على لمبة المكتب وشاف وش اللي فيك

النحيف : يارجال من شفتك لين جيت تركب السياره دهنت جوانبك بفازلين علشان تزرق في السياره وانا غاسل يدي منك

الدب : ايه ولين ركبت جنبي قمت اعشق فيك احسبك القير من نحفك

النحيف : أقول أها بس أهااا عنبوك من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص

الدب: اقول الحين متميلح نفسك انت وعصاقيلك اجل تبيني اصير مثلك لين جاء هواء طقو اهلك في ثوبك مسمار في الارض يخافون عليك تطير

النحيف : تدري كل ماشفتك ياالنفيخه تذكرت رجال كفرات ميشلان اللي في الدعايه

الدب : تصدق بالله لو تمر من جنب جيب الدوريات أنك تشوش على جهازهم

النحيف :مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا

الدب : ماشفت نفسك وانت واقف ترى رجليك ساق بدون ركبه

النحيف :اقول سمعت ان اهلك يروشونك في الحوش بمكانس من كبرك

الدب : انا سامع انك تتروش في المغسله

النحيف : انا سمعت انهم صوروك يبون يطلعون لك جواز وحطو صورتك وكتبو تحتها تتبع في الصفحه الاخرى

الدب : انا سمعت انهم صوروك 4 في 6 طلعت كلك

النحيف : انا سمعت انك اذا بغيت تركض تنسدح وتتدربا على جنبك ... أسرع لك

الدب : اقول رح بس وراك انت ووجهك كنه مكان بريك سيكل

النحيف :ههههههههه ضحكتني انت وخدودك كنها دف طقاقه .

الدب : اقول شف شكلك كنك ريال بيد بزر .

النحيف : اقول شف خشمك كن متعلق به عيل

الدب : لا من زين خشمك كنه أصبع عيل

النحيف : اقول قم بس قم انت وشكلك كنك وايت مياه غير صالحه للشرب .

الدب : هههههههه ضحكتن انت وشكلك كنك فأر طايح ببالوعه .

النحيف : شف سنونك كنها طلاب ثالثه جيم واقفين عند مقصف .

الدب : عاد من زين سنونك كنها ضغاطات مسجل صناعه صينيه .........

تبون الصراحه الاثنين مهووووووويين ......

~~~~~~~~~~~~~~~~~~