خيانة ما بعد السفر
 

الهدايا ، و الرسايل ، و الورود
و القصايد المكسرة ،و البوم الصور
و الوداع الحارق ،و دمع الخدود
و قلبي الغارق بيوم السفر
ذكرى الفراق..و الليالي السود
تحييني بقهر و تموتني قهر
تذكر الغصة؟و لساني المعقود؟
تذكر قلب رعشاته مطر ؟؟
في وداعك . . غنى الحسود
و من فراقي فرشوا الزهر
حتى على موتي محسود
محسود حتى على الكدر
بديت الرحلة و الهم ممدود
ينبت بالطريق جمر و صخر
غايب عنك و بالقلب موجود
تبقى حبيبي طول العمر
في غربتي صوتك : العود
و ونيني: الألحان ،ونبضي: الوتر
ظنيتك وطن ماله حدود
أسكنك بغيابي و أصونك دهر
لقيتك بالكذب علي تجود
وصلنا للنهاية و المسافة شبر
أول من وفا لك بالوعود
أول من ضاق طعم الغدر
بعتني للضياع و تبيني أعود؟
اللي كسرته صعب ينجبر
أبقى لهم …عاشق ودود
و ببقى أنا عاشق سهر
و إذا مت و سكني الدود
بشيل إسمك معي للقبر

هلا وغلا فيك أختي أميره
ومن
الصورة اللي رسمتيها بها الخاطره حلوه بالحيل أختي
كل هذا الحب تخفينه بقلبك له
وكل هذا الهيام
وكل هذا الشوق
وبالأخير وتكملين الصورة برفضك له
وبالأخير
تعترفين إنك تحبينه
يعطيك العافية أختي
وتسلمين على هالخاطرة الرائعه من جد
ويا ليت نقرأ لك دايما ببوح الخاطر

حياك الله أختي وتسلمين :)

بااااي :rolleyes:

هلا و الفين مرحبا
 

:Dمشكوووووووووووورة يا اختي على ردج الحلو و الرقيق

مع خاص تحياتي لج :heartpump:D