صديقتي عندها مشكلة
 

السلام عليكم ورحمة الله وبركاته

صديقتي عندها مشكلة وما عرفت ارد عليها المشكلة هي

ان مسئولها بالعمل موقفها عن العمل يعني ما تشتغل بالمرة ولا يرشحها لاي دورة ولا يناديها لاي سبب وهي من نفسها تقوم باي عمل وتجتهد وتحاول من نفسها تشتغل وتطلع شغل من تحت الارض حتي لو كان ترتيب اغراض لها سنين مغبره بس علشان تشغل نفسها بشي ولا تقعد فاضيةوكل ما تروح له تقول له تري انا قاعدة ماعندي شغل ممكن اذا صار في شغل تناديني يقول لها اصلا مافي شغل وهذا رده عليها

عند تقييم الموظفين حط لها تقدير ماعجبهاولما سألته قال لها لانك ما تتكلمين معاي كويس ؟؟؟؟

للعلم مسئولها على علاقه بموظفة متزوجه ودايما موجود بمكتبها لا يشتغل الا بطلعت الروح وماعنده اي اهتمام لاي احد

من يومها وهي منقهرة ورافضة تشتغل اي شيء تروح تداوم وتقعد لاخر الدوام وبعدين ترجع البيت

وكل الناس تقدمت الا هي وحتي اللي يتعينون بعدها يتعلمون اشياء كثيرة الا هي والسبب مسؤلها مو عاجبته لانها مو مثلهم تضحك معاه وتجامله وتقعد في مكتبه بالساعات
راحت اشتكت عليه عند المدير ماسوي لها شيء لان ماعندها واسطة حاولت المستحيل وماكو فايدة

المشكلة الحين انها تقول معاشها اشلون تحلله وهل لها ذنب باللي يصير
وهي دايما كل ما تذكرت الظلم اللي وقع عليها تدعي عليه لانها انظلمت بدون سبب هل عليها ذنب لانها تدعي عليه بكل وقت خصوصا وانها طموحة وتحب الشغل ومجتهدة جدا وطريقته قاهرتها ومحسستها انها ولا شيء مجرد كمالة عدد
للعلم انها حاولت تنتقل الي مكان اخر ولاكن لم تتوفق (بعد استخارة طبعا)
البنت على قدر من التدين والحشمة


ارجوا المساعدة باقرب وقت........... شكرا