أرشــــــيـــف حوار الخيمة العربية - قصيدة رائعة بعنوان :زوله كبير والحيا منه مشيول

قال الذي يازن كــلام يقـولــه *** نوى يعــــبر بالتماثــيل ويقول
يقول هرج مايجـــي به ميــوله *** إليا أستمع له عاقل قال معقــول
عن الذي يخفى عن الناس زولــه *** واليا بغيته قالو الناس مجهــول
يمشي مع العالم ويشعب ذلولــه *** وله كلمة ماينقله كود مغلــــول
يفرح بها خبل قليل االرجولــه *** زوله كبير والحيا منــه مشيــول
شر على جاره ومن صار حوله *** ثورالرجال اللي على الهرج مجبول
يلحق بشـــره عالم مادرو له *** وخلى الأوادم بين عاذل ومعـــذول
تلقاه مثل أبليس بين الحمـوله *** يشيل ذولا يم ذولاك ويصــــــــول
في هرج سو بينهم ماحسبو لـه*** وعقب الصداقة حبلهم صار مشلول
واشره على بعض الرجال الزحوله***تاخذ حساب مروج الهرج طهبول
ماتنحرف مع سيرته في سهوله *** لازم تحضر من حكى له على طـول
إما يثبـــت منطقـه في حلـوله *** والا عذابه جاهز له ومعمــــــول
حتى يثوب ويعترف في فعولــــه *** ويحط بلسانه كوالين وقفــــــول
واليا تعذب خبر اللي حكو لــه *** إنه لقى له ناس ماتاخذ القـــول
ناس تعرف العلم عرضه وطولـه *** الله عطاهم ميزة العرف وعقـــــول
لاجاهم الهــراج ماطبلو لـه *** ماتستمع لاقوال سافر ومرحـــــول

خلف بن غالب الحربي