جاني خبـر يا نعلبوا بعض الأخبـار

زلزل كيــاني هــد حيلي وحـالي

فزيت أقول أش صار يا ناس اش صـار

ذا صاحبي غـالي وغـالي وغــالي

ذا مصطفى مختـار من بين الأخيــار

أخترتـه لنفسي صـديق(ن) مـوالي

له بالحشا شيـدت قدر(ن) ومقــدار

له منزل(ن) عندي علا فـوق عالي

بـشر عسى مـا يكون منصاب باضـرار

عساه سـالـم من شرور الليـالي

قلي تطمن صــاحبك بـات في الـدار

متعافي(ن) ما بين عم(ن) وخالي

قلت احمـدك يا لله يالنـافع الضـار

حمد(ن) على نعمـاك أول وتـالي