بياعة الذرة
 

بصراحة انا ما كنت احب اتكلم في هذا الموضوع
المشكلة سقراط بدأ يتكلم فيه,,, وانا قلت لنفسي وش رايك يابنت
الناس تحكي الحكاية ويسمعونهاخلق الله من لسانك انت:
اليكم القصة:
======================================
المكان: مصر
الزمان: إجازة الصيف لعام 2000
الأشخاص: هادية, سقراط, مهند, البنت الشيفة
=====================================
في الوقت الي نزلت فيه مطار مصر حسيت بضيقة صدر و كأن المكان ما فيه نقطة هواء. ما مضت ثلاث دقايق وألا ألاقي سقراط ومهند
(توني أعرف وش سبب ضيقة الصدر). بصراحة اول ماشفتهم شبهت عليهم بس ماعرفتهم. سقراط كان لابس بنطلون برتقالي وبدلة وردية
من أحسن الماركات. وخويكم مهند كان لابس بدلة أصفر فسفوري
(فاقع) مخططة بلأحمر. يا عيني على الأناقة. طبعا انا انحشت مابيهم يشفوني و يفضحوني قدام خلق الله. بعد 5 أيام و انا اتمشى
عالنيل والا أشوف مهند واقف وقدامه كشك صغير ويقول: كشري كشري,,
قرب,,,,,قرب. رحت اشوف وش الي غير حاله من البدلة الى الجلابية
و الكشري قعد يبكي ويصيح ويقولي انه,,,,,اههههههههههه
يمة ابي اناااااام وش رايكم لو كملت الحكاية باكر
اهههههههه تصبحون على خير
وللحديث بقية
====================================
هادية المتوعدة لسقراط وكل من تبعه
===================================
هادية

سقراط وصللللللللللللللل
هلا بياعة الذره
اجل مهند يبيع كشري (وانا أقول هذا وين يروح اذا انا نمت )
فضحتنا يا مهند بعدين شل من راسك انك تسافر معي
واحد جنتل زي يبغي واحد جنتل زيه يسافر معه (يا بياع الكشري)
ولا بعد لابس بدله أصفر فسفوري(فاقع)مخططه باحمر
(وأخرتها.قرب قرب .الكشري بجنيه )
...............
بس تعالي ليش أنحشتي يوم شفتينا وش قالوا لكي
(مجانين) وبعدين انت كان مفروض تقولين الحمد لله لقيت احد يمشي معي
والله العظيم مصيبه يا عالم دوله فيها (57) مليون ما حد راضي يمشي معها..
اكيد شيفه ومحد راضي يطالع فيكِ .لا ولبسك بالله كم لكي ما غسلتيه
الله لا يفضحنا ...بعدين اذا حبيتي تسافرين شوفي لكي وحده متعوده على السفريات تعطيكِ بعض الكورسات في فن اللبس والاناقه ..
قال ايش قال بياعة الذره كانت في مصر ..اقطع يديني ورجليني واحش راسي بعد اما كنتِ في السودان ...
xxxxxxxxxxxxxxxxxxx
((سقراط يقول افا يا مهند تبيع كشري
وانت تمشي مع سقراط))((خلاص بطلت سفريات..ما دام هاديه
راحت لمصر..ومهند قاعد يبيع كشري ما ناقص غير يقول اللحمه بربع جنيه(جزار يعني))
xxxxxxxxxxxxxxxxxxx

.........
ها هادية الا اشوف الشلخ عندك بالمجان
لكن تدرين كسبتي فينا ثواب لما انحشتي مني ومن سقراط في المطار
ولا كان الناس بياكلونا بعيونهم من زود ماهم مستغربين لبسك وشعرك
حد يكشكش شعره يا ناس ويقول هذي تسريحة
انتي وين والتسريحات وين؟؟مرة ثانيةخليها لاهلها احسن قال ماشطة شعرها قال
وبس عساج ما تكلفتي في السوق وانتي تدورين بدلة مثل بدلتي ولا بدلة سقراط
وبعدين ليش ما قلتي لهم ليش لبست الجلابية
ياخوان البنات جننوني من جمالي
وحدة هنا وحدة هنا قلت لازم اغير الكشخة
عاد لماغيرت رفيقتكم هادية مادري وش صابها
قامت تحرق في هالذرة اللي تشويها وتعطيها لخلق الله
العقل مو معاها مهند ماخذه من عندها
والناس ينادونها دي استوت خلاص
هي لا رايحة ولا عليهامافيه الاعيونها طايرة صوبي
وماخذت شوي الا هي تسولف مع وحدة من صديقاتهاوتقول هذي انا اعرف وش اسوي فيه
بس خل ارجع الخيمة
ويوم ارجعت شفتوا وش قالت
مهند بياع كشري
الله يستر كان بكرة ماتطلع كذبة ثانية
كل هذا عشان ما عطيتها وجه
غصب مابي هذا وجهي وكيفي اعطي اللي ابيه
لكن الشرهة على سقراط اللي يصدق كلامها
سقراط مرة ثانية لا تحلم انك تسافر مع مهند يا جنتل
.
.
.
مهند

سقراط ومهند مين اذن لكم تحطون اي رد والله عيب عليكم تدخلون غرفتي وانا مو موجودة.....(صبركم علي )
===========================
تكملة القصة:
أههه صباح الخير (الساعة عندي12:30) أخر شي قلته امس هو انه مهند كان يصيح ويبكي و قال انه سقراط تعرف على وحدة نسخة من
هذي . هذا سقراط مايقدر اخوة او صداقة (كلام مهند) لعب علي هو وخويته وخذوا فلوسي و تذكرتي,اهاهاهاه قصوا علي
انا قلت لنفسي يا ولد لازم ترد ديرتك و على هالحالة صرت ابيع
كشري. خويتكم (انا) قلبها طيب و ما تحملت تشوفه على هالحال وهو يبكي قمت سألته طيب كيف تبيني اساعدك (اخ يالنذل الشره علي انا) قال: بسيطة انا ابيع كشري وانت تبيعين ذرة ها وش رايك؟
انا: ( بكل طيبة و صفاء) خلاص موافقة وين العربية. قام جهزها وحطها قدامي
مهند: و عندي بعد طلب بسيط : غيري ملابس البرينسيسات هذا لآنه مافي وحدة بهالأناقة تبيع ذره. انا وافقت من طيبة قلبي وصرت ابيع احلى ذرة في مصر كلها.
في يوم من الأيام و انا ابيع وإلا اشوف واحد من بعيد يجي صوبي
يبي يشتري احلى ذرة له ولخويته. بس وقف قدامي صرخت و قلت : سقرااط .
سقراط: هادية!!! تبيع ذرة.
قمت انا من قهري بلي سواه في مهند (والله ما يستاهل) قمت وضربته
ونفذت فيه بعض خطط المنظمة الطيبة للأعمال الشريرة. وفي هذه الأثناء احترقت الذرة (هذا هو سبب احتراق الذرة).
خوية سقراط : يالهوتي عملتي ايه في الواد المسكين ده
وانحاشت البنية.
مهند يأتي راكضا والذرة مازالت تحترق
مهند: وش سويتي؟؟؟؟
هادية: (وهي فرحانة) خذيت لك حقك منه,,,
مهند: واقف يبكي اهههههههههاهههههههاهاهاهاهاها
هادية: وش فيك!!!!
مهند: هذا خويي ما يصير تطقيه كذي
و ألا شوي اشوف النذل مهند ماسك التلفون يبي يتصل للشرطة (والذرة مازالت تحترق) قمت اناطقيته وكسرته هو بعد و رميت نفسي في النيل وقعدت اسبح واسبح و اسبح و اسبح والذرة ما زالت تحترق الى ان وصلت الى كندا بحرا والذرة ما زالت تحترق..... النهاية

1- انا قلت اننا قضينا على سقراط بسبب ضربي له والدليل موجود الى الأن (بعض الكدمات على وجوه مهند وسقراط
________________________
2- سبب احتراق الذرة التي ما زالت تحترق هو انشغالي في ضربهم
________________________
3- انا ما رميت نفسي في النيل لاني شفت سقراط الحقيقة هي لأني
ضربته وانحشت فبل لا تجي الشرطة
________________________
هذا توضيح لبعض الملابسات في القضية
هادية

ههههههاااااااااي

قديمة يا هادية ما تنصرف

السلاااااااااااااام عليكم ورحمة الله وبركاااااااته
اقوووووووووووووووووووووول هادية وش تسوين هنا و بعدين من متى و انتي تبيعبين ذرة او بالاصح متى رحتي مصر مو حنا متفقين نروح بس اذا ابو الهول اتكسر
و ميييييين مهند وسقراط انا ربينك كذا يا بنت
اقول شباب السلاااام عليكم صحيح داخلة عرض و بر بر بر و لقافة بس احب اعرف بنفسي انا هنوووودة اخت هادية الشريرة على فكرة هي من جد شريرة تاكل اكلي و تنام في فراشي حتى كشك الذرة اخذته مني اووووبسسسي هو حق مهند بالاصل يعني كذبتي مكشوفة يالله مشوها بس
مع السلامة اشوفكم على خير و قووووود لاااك فور اول

شكراً هنوووووودي

شفتي هادية شلون ( وشهد شاهد من اهلها)
وكفى الله المؤمنين شر القتال
.
.
.
مهند مرتاح بعدما برئت ساحته

وش فيك يا هند:
على العموم انا راح اوريك . ولا تخاف يامهند الكل راح يصدقني انا (لا تزعل الموضوع كله مزح وفبركة)
===============================
سقراط وينك اكيد مستحي تورينا وجهك بعد الفضيحة.... (وحدة واثقة جدا)
=========
هادية