|
دواوين مغناة ساخرة - يعقوب احمد يعقوب
اللازمة: دَواوين دواوين في عنا دواوين
مليانِه بالناس إلي دايما قاعدين وبيحكوا كلام ويعيدوا كلام ما شا الله ويا سلام بكل.. الميادين دواوين دواوين في عنا دواوين 1. وببلدنا الدواوين عُمرا آلاف سنين من لية وألف ليله ما فضيت ولا ليلة والقصة قصة طويلة وصار بدها رب يعين دواوين.. دواوين في عنا دواوين 2. والقهوة المُرَّة السمره دايره مره على مره وما كانت تطفي الجمره ولا ترتاح الفناجين دواوين.. دواوين في عنا دواوين 3. وسيجاره ورا سيجاره مثل الطابون شْحَارا والحارة كل الحاره عَ القهوة والسيجاره صاروا كلن مُدمنين دواوين.. دواوين في عنا دواوين 4. وعلى طول الديوان وعلى عرض الديوان الكل عَمَ.. يحكي ولا واحد سمعان "وعلى هونا.. وعلى دوي" كأنوا.. بَرلمان وبدنا هِمِه.. وكف عَ الداير.. داير لف ما حَد يشق الصف من هون ليوم الدين دواوين.. دواوين في عنا دواوين 5- اسمعوا آخر نكته وصلتنا من بكين.. سفير الصين هَدَد.. إذا العرب زادوها.. وشوية.. زودوها.. الصين رايحه إتطالب تسترجع الفناجين ورَح تبقى ازمه كبيرة من سوريا.. للجزيره.. من المغرب لفلسطين كيف بدنا نصب القهوة من غير الفناجين لإنها.. فناجينا كلا صناعة الصين دواوين.. دواوين في عنا دواوين 6- اهلاً بكل الأخوة وأهلاً بالرفاق.. ما أخذ بالقوة يسترجع بالقوة.. والكعكُ بالعجوة عَربي المذاق 7- وإننا سنقاتل وسنبقى نناضل ونحول المعاول.. ونحول المناجل لأساور وسلاسل كي تفرح النساء ونقولها في الصبح ونقول في المساء إننا على موعدٍ مع حلقة جديدة عن أسباب القمل وفوائد عسل النحل لبناء أجيال.. تصُدُ المحتلين دواوين.. دواوين في عنا دواوين 8- ومنحكي عً الأخلاق عً الكذب وعً لانفاق ومنبكي.. باحتراق على وضع ما بينطاق ومنحلف بالطلاق.. ثلاثة بالطلاق وعلى ايش عمَ نحلف والله مش فاهمين دواوين.. دواوين في عنا دواوين 9- شي بيناصر لكويت شي بيناصر العراق وهـَ الخبزة والزيت ما عادت تنذاق والبرغل والطحين عجن بالمصارين يا خي بدنا رب يعين.. تا العيشة تنطاق 10- وبيحكوا عً السياسة وبيحكوا عَ الحروب وعَ أمور.. التياسه وعَ الزعما والشعوب شي بنادي عَ الجهاد.. شي واقف عَ الحياد شي طارق بن زياد.. وشي صلاح الدين وحروب طاحنه ودايره على كل الديره دايره بالقهوة والفناجين دواوين.. دواوين في عنا دواوين 11- وفي واحد جنرال وقف عَ الفرشه وقال.. نحنا شعب الأبطال والنخوة والرجال منهدم الجبال ويمكن نحتل الصين بس يعني لويش.. احنا "كدا" راضين دواوين.. دواوين في عنا دواوين 12- ثم تلاه شخص بخطبة عصماء وقلب وشقلب وخربط الأشياء وأفتى ألف فتوى بأمور الإفتاء وقال إن الساعة آتية يا جماعه لا تنفع زراعة لا تنفع صناعة لا ينفع طبيخ لا ينفع عجين دواوين.. دواوين في عنا دواوين 13- وملخص الحكاية والقصة والرواية يا اخوتي السامعين ما دامت الدواوين سنظل نحيا هكذا.. لحتى يوم الدين امه مهزومة بجيوش الفناجين امة يحتلها كلام الدواوين وكل ما لديها سيبقى بعض قهوة مرة كعلقمٍ تدور بالفناجين نشربها صباحاً ونشربها مساءً ونقول عمار.. وسلامة أعماركم ويرحم الفقيد.. وكل الميتين.. |
Powered by vBulletin Version 3.5.1
Copyright ©2000 - 2025, Jelsoft Enterprises Ltd.