|
ياترى ختمت القرآن كام مرة بعد رمضان اللى فات؟
ياترى
ختمت القرآن كام مرة بعد رمضان اللى فات؟ آه..جيت على الوجيعة طبعاً فيه ناس ختمته مرة وفيه ناس ختمته مرتين وفيه ناس ختمته تلت مرات وفيه ناس ختمته أكتر من كده وفيه ناس ماجتش ناحيته للأسف ياترى انت من مين فيهم؟؟؟؟؟؟؟؟؟؟؟؟ أنا الحمد لله ختمته مرة وماشى فى التانية خلصت فيها حوالى 9 أجزاء طبعاً كل واحد فينا وكل واحدة بيقول أنا مشغول ومافيش وقت أقرأ القرآن اللى وراه شغله واللى وراه دراسته واللى وراه...........الخ طيب متحاول تحدد لنفسك كل يوم ورد معين من القرآن تقرأه ولو حتى كان عندك امتحان صعبة؟ خليه ربع واحد بس فى اليوم لو قرأت ربع واحد بس فى اليوم يبقى هتختم القرآن فى 8 شهور بتقول ربع بس؟ أيوة بقول ربع بس على الأقل يومياً ولو عايز تزود زود لكن لازم تقرأه طيب أحدد وقت معين أقرأ فيه؟ والله براحتك ، وممكن متحددش وقت معين ، ممكن تقرأه وانت فى المواصلات طيب ماشى خلاص أنا هقرأ إن شاء الله طالما الموضوع سهل كده طبعاً الموضوع سهل جداً بس احنا نبقى رجالة قدام نفسنا وقدام الشيطان وخلى بالك اوعى تقرأ يوم والتانى والتالت وفى الرابع تلاقى نفسك مليت أو مش فاضى أو .....أو ..........الخ طبعاً الشيطان مش هيسيبك فى حالك ونفسك مش هتسيبك فى حالك ورينى شطارتك بئه ياجماعة مش عايزين نكون من اللى ربنا قال فيهم"وقال الرسول يارب إن قومى اتخذوا هذا القرآن مهجوراً" احنا بنقول نقرأ مش نحفظ ، دا أقل حاجة ممكن نعملها آسف إن كنت تقلت شوية عليكم فى بعض الكلام وربنا يوفقكم |
Powered by vBulletin Version 3.5.1
Copyright ©2000 - 2025, Jelsoft Enterprises Ltd.