ياليتنـي بينـك وبيـن المـضـره
 

السلام عليكم ورحمة الله وبركاته

هذه القصيده قالها الشاعر الامير سعود بن بندر رحمه الله في والدته


ياليتنـي بينـك وبيـن المـضـره
من غزة الشوك الى سكـرة المـوت


اوليت شاورني القـدر بـس مـره
ولبى مطالب رغبتـي قبـل مامـوت


او ليتـي لجـرة مواطيـك جــره
احمي قدم رجلك مثل جزمـة البـوت


او ليـت بيدينـي السعـد والمسـره
واحكم عليها عنك مالحظـة تفـوت


يفداك عمـر منـك يشعـر بعمـره
انتي الحياة لنفسـي وردة الصـوت

عمرالزهر

لايصيبك شك مني في غلاك
يامغلي عيشة أيام .. العمر
لايهمك من حكي هذا ... وذاك
ولايصيبك يابعد عمري كدر
منوة العذال يسعون الهلاك
حبنا اللي توه ... بعمر الزهر
لو يشوفك من عذلني في هواك
مثل ما أشوفك (عذرني )واعتذر
واعترف أنك على وصفي ملاك
وإن عندي يوم حبيتك نظر
واجد أهل الزين لكن في بهاك
الجمال بكل معني مختصر
خالقك سبحانه ... إختار وعطاك
كل كامل من تواصيف البشر
كان حور العين تشبهك بحلاك
هني أهل الخير في يوم الحشر
دامني حي ... فلا أطمع في سواك
وباستمرار ارجي لقا بعد القبر


سعود بن بندر

حياك الله اخوي الكريم الوافي
وفعلا مثل ماقلت يعجز التعبير عن وصف شعر وشخصيةالامير سعود الله يرحمه واللي كان من النوادر الي ماتتكرر
واما الموحد الله يرحمه ويرفع مقامه في عليين اللهم امين
ماهو من سقط المتاع وحثالة خلق الله الي صنعهم غيرهم
هو حفيد اربعة أئمة كانوا سادة الجزيره
الموحد جزء من مسيرة عظيمه قادها اجداده وفدوها بدمائهم وكل غالي والتاريخ يشهد لهم
الموحد صاحب رساله واهداف عظيمه ماهو فقط طالب حكم او مرتزق
يكفيه فقط انه وحد خمسة اقاليم كبيره ومهمه وتمثل ثلاث ارباع الجزيره تحت راية دوله واحده تحكم الشريعه ولولا الله ثم الموحد لكانت خمس دول او اكثر
الي مايعرف بعد هذا من الموحد ماهوب عارف من قصيده ولا من غيرها لان القلم اكيد مرفوع عنه
وشرفني مرورك يالغالي ولك اطيب تحياتي

اوراق الخريف
نلاحظ ان قصائد الامير سعود كلها بمستوى واحد وهذ مايحصل الا نادرا في عالم الشعر
حياك الله وشكرا على المشاركه الرائعه
ولك اطيب تحيه