قصيدة (درة العرب)
 

قصيدة (درة العرب)مهداه الى روح الشهيد محمد الدرة من الشاعر المصرى رامى محمد(موقع أشعة الشمس)
ونستقبل أرائكم ومشاركتكم على صفحة محمد الدرة
يا محمد قوم واتكلم

عن أحلامك

نفسك تكبر

وسط صحابك

نفسك تتجوز...وتحب

نفسك تبقى طبيب جراح

تسعف أهل بلادك

نفسك تبقى مقاتل

واقف مالى مكانك

نفسك تبقى مهندس

ناجح بتخطط قدامك

يا محمد قوم

عبر عن ذاتك

عبر يلا عن أحلامك

دا انت فى عمر الدرة يا درة

عايز تبقى بلادك حرة

زي ما كل مجاهد مسلم

عايز يرفع كلمة الله

تعمل ايه لو كنت مكانى

طلقات غادرة

وصابت ابنى بين احضانى

ابنى بيتعذب قدامى

تعمل ايه لو كنت مكانى

سامع صوت قلبه بيدق

حاسس بى بيقلى أنا خايف

وفجأة الاقى نزيف مش عادى

وشه اتغطى بدمه

وقلبه خلاص ما بقاش بيدق

ليه تتعذب وحدك يابنى

وليه الطلقة مجتش فى قلبى

يابو محمد.. يابو محمد

دم محمد مش هايروح

مش راح نبكى

مش راح نصرخ

راح نتحدى ونرفع رسنا

ابنك مرضى عند الأعظم

وطلق النار معذبهوش

ابنك مسلم وأسمه محمد

وأسمه فى قلوبنا منقوش

حق علينا ناخد طارك

ونفدى بدمك جيوش وجيوش

وأنت يا كافر

أنت يا فاجر

يالى قضيت برصاصك

على مسكين عمره ماكان غادر

يعمل أيه الطفل قصاد الجيش الغادر

...خايف منه يقولك لاء

...خايف يكبر

...خايف يبقى صلاح الدين القاهر

لأ فيه غيره ألوف وألوف

وأرض بلده ليكومقابر

يا شعاع الشمس والدنيا ظلامْ
النور كل النور نبغي والمرامْ
من احمد في العتم شعّتْ درةٌ
فتحولت حمراء رايات السلامْ

-------------------

اختنا الفاضلة احب فقط ان ابين ان الاساتذة هنا قد وضعوا للخيمة هذه قواعد اهمها ان الكتابة المقبولة فيها هي ما جاءت بلسان عربي صحيح اما الشعر العامي بانواعه فيستطيع الواحد منا ايداعه في الخيمة المفتوحة مثلا وشكرا لتفهم الامر والسلام

-------------اخوك الشادي