ابسأل طيفك الهارب عن أحلام الهوى والليل
ابسأل نظرة عيونك من اللي ساكن فبها
ابسأل عطفك .. ولطفك .. وطيبة قلب ذاق الويل
ابسأل شعرك الناثر على المتنـين يحميها
ابسأل عن بعد .. عن قرب.. عن أيامنا وسهيل
ابسأل عن وصل .. عن حب.. عن أحلا لياليها
ابسأل عن خجل .. رقه.. حنان زاد فيني الكيل
ابسأل عن ألم.. صرخة.. وأوهام تعيشيها
ابسأل عن ارق.. عن ظلم.. عن مأساة يا هل الفيل
ابسأل عن ورق .. وأزهار.. من اللي كان يرميها
ابسأل دام من حقي أوجه صرختي لليل
أبـي منه جواب تاه عن آهات نزفتــيها
ابسأل لين القالي متاهات تهد الحيل
عساي أصل مناي اللي لوصلك دوم أنويها
ابسأل ليه يا عالم حبيبي عيشته تذليل
أمانة عطف يا دنيا حياتي اليوم أنهيها
سؤالاتي كثيره ليه …!! أنا مدري وأبي تحليل
أبي مبدأ معه رحمة .. جروح البعد تخفيها
أعيش بحاضر أيامي وأمسي يسأل التعليل
ولا يبقى سوى أحلام … بيدك لي رسمتيها
محمد مهيدي
|