لك ولغيرك ممن يعشق الصمت
تعاتبني
تعاتبني بنظرات خفيه
واجا ملها ولا ادري وش وراها
واجاوبها بنظرات حزينه
تعبر عن ضنى الروح وشقاها
اسايرها واجاوب كل نظره
واخبي الوجد وابحث عن رضاها
قبل ما اشوفها ظنيت قلبي
دله عن سيره الحب ونساها
وعقب ماشفتها عرفت قلبي
تناسا ها ولاكن ما نسا ها
غلاهايزود معى زود الليالي
وباع الناس قلبي واشترا ها
وصرت اغار انا منها عليها
خطا نفسي وانا اتحمل خطا ها
واغار من امها حتى وابوها
واغار من اللذي بامره ولاها
واحسد الريح الى حرك شعرها
واحسد عيون غيري لاتراها
واغار من القمر الى شع نوره
خذت نور القمر واصبح ضواها
واحسد الشمس اذا بانت عليها
أشعتها تسبب في أذا ها
واحسد الارض اذا داست عليها
اثر خطواتها تحيي ثراها
وأغار من النجوم الى تعلت
وشافتها وعيني ما ترا ها
وأغار من الهدوم اليا لبستها
عساها ما تجرحها عسا ها
وأغار من الخواتم في يديها
وساعتها وكل الي معا ها
وأغار من القلاده في نحرها
وأغار من الشعر لامن كساها
واحسد اللي بالبيت معها
ولا ابالغ انا أحسد قصراها
واغار من القصيده لامن قرتها
ولو هي قصتي واشكي جفاها
وتشمل غيرتي حتى المرايه
يحق لها بشوفتها تبا ها
الا يا من يسا عدني عليها
يوصلني هوى النفس ومنا ها
عجزت اعالج جروحي بروحي
جروح القلب ما تشفى بلاها
__________________
نعم انا عاشق وبالحنان مفتون ولا غيرها من الناس من يملى عيني
|