[أحمد الخالدي]

هذا هو المقطع التاسع لمن يتابعنا..

... مِشْ كُنت ماشي فْ سِكِتّي،
والرغبة تِدْفَعْني ؟!
مادِدْ بِشوقي خَطْوِتي،
والحِلْم طاوِعْني ؟!
... الدنيا كانِتْ دُنْيِتي،
أحكي وِتِسْمَعْني !
والصُّحْبَةْ تِبْقى صُحْبِتي،
والحب تابِعْني !
وِفْ لحظة شايِفْ فرحِتي
والكون ما حَ يْساعْني !!
لا غرْبَةْ شَدِّتْ دمعِتي...
ما حد يِمْنَعْني !!

... مِشْ كُنت طايِرْ... فِكْرِتي
عَنْ أرضي تِرْفَعْني ؟!
مِشْ كُنْتِ رسّام لَوْحِتي،
واتْكَلِّموا عَنّي ؟!
مِشْ كُنْتِ مالي بغِنْوِتي
كاس الهوى يعني ؟!!

... مِشْ كُنت ماشي سِكِّتي،
ايه اللي رجَّعْني ؟!
مِشْ كُنت واصِلْ بُغْيِتي،
ايه.. ايه اللي ضيَّعْني ؟!!