أخى عبد السلام البراج ،،
خالص شكري وتحياتى علي هذا الاهداء الجميل
واسفة لتأخري بالرد في الخيمة الادبية فهذا تقصير غير مقصود
واليك اهدي :
و ازاي تنام النجوم ؟!!
والحلم كحلها
بنور يداوى الغيوم
والقلب راسملها
بايدى شلت الهموم
والسكة رسملها
والكتف ده بكرة
والعين دى شايفلها
ياسكتى هدى
وحدى مشيت وحدي
والليل طويل طايل
والعمر بيعدى
وحلمى أنا شايل
سنينى يا ضدي
امتى اللقا ح يكون
يا وطنى يا مجدى
مجنون أنا مجنون
وولادي من بعدي
مجنون بحبك يا نيل
يا عزوتى وسندى
مشتاق تضم الحبايب
في القدس في جولان
مشتاق تلم القرايب
من مغربي لسودان
مشتاق أنا وعاشق
مشتاق أكون انسان !!!
مع خالص التحية
وأرجو أن يكون اهدائي علي قدر المهدى اليه
أختك دائما
