جسم عريان
الى الاخت منال درويش مع خالص التقدير
جسم عريان
وش عاد لو تجزين حبي بحرمان
حبيبتي مانتي بداية عذابي
اناء معاناة البشر داخل انسان
اناء مهاجر والقوافي زهابي
طير عزاه انه بريش وجنحان
وهو الصويب وبين مخلب ونابي
اناء الطليق مقيد داخل اكفان
اناء المقيم بكون غربة شبابي
اناء زهر عمري رماد ودخان
واناء ثمر روحي عجاج وسرابي
اناء القمر والشمس في عين عميان
واناء الامل للي كساه الترابي
اناء المكاسب في يدي كل خسران
اناء زغاريدي نعيق الغرابي
اناء الحرير اللي على جسم عريان
اناء جروح القيد ف ذراع صابي
والتخمة اللي تسكن بجوف جيعان
وتفريج كربة في عيون المرابي
حبيبتي لو جيتي بغير حرمان
حبيبتي مانتي نهاية عذابي
منادم
|