ههههههههههههههههههههههههههههههههههههههههههههههههه
بصراحة كلام واقعي جدا جدا
واللي ارسله عنده إجصائيات دقيقة
بس عاد اقول ياملاك المنصب الجديد
والتكليف الاضافي يبي له همة
فلا اوصيكي
--------------------------
وبصراحة انا قرأت اللقاء مع الدكتورة مريم نور
وللاسف انه فاتني
بس مشاركتك موتتني ضحك
بالله عليكي ذي مشكلة
كان قلتي لي وانا عندي الحل
جدتي (ام امي) الله يعافيها والله ماتأكل معها الدكتورة مريم نور عيش
في الطب البديل
بس عاد اللي يبيها تعالجه الله يعينه
لان جدتي تبدأ من الاخر
يعني نظرية الطب عندها مقلوبة (قولي كيف؟)
أنا اقولك كيف؟
جدتي الله يسلمها اول علاجها بالكي
بس عاد مايحتاج من اول كية يا يبرى المريض بالمرة او الله يخلف على اهله (ههههههههههههههه)
تصدقين ان عيالها وبناتها ومن ضمنهم أمي
قد كوتهم كلهم
لا وبعد ما تعترف بشيء اسمه مستشفى
وتصدقين انها كوت نفسها اكثر من عشر مرات العام الماضي؟؟؟
بس عاد اقولك اللي اعرفه ان امي العزيزة كانت تشتكي من الروماتزم
ولا خلينا مكان ما راجعنا بها فيه
ويوم من الايام وديتها زيارة لجدتي
وقامت تتشكى لجدتي(أمي)
فجدتي نادتني وقالت لي (في أذني) هات الحديدة اللي تحت السرير حقها
وانا على نياتي (كذاب عارف وش تبي بها) رحت وجبتها
وأمي قامت تصلي الظهر
لما جبتها قالت جدتي شب النار في المدخنة وحط الحديدة فيها وأنتبه تعلم امك (مايحتاج توصيني)
كالعادة رحت بكل سكينة وهدوء وشبيت النار وحطيت الحديدة فيها
ورجعت لجدتي وقلت جده وش تبين بالحديدة
قالت : انت ماتبي تتردد على المستشفيات كل يومين تراجع بأمك صح؟
قلت : أفا عليك وهاذي تبيلها كلام
قالت: خلاص من اليوم مافيه مشاوير على الفاضي. بس رح للسوبرماركت جب لنا بعض الاغراض (تصريفه)
قلت: ابشري ورحت
ولما رجعت تقريبا بعد ساعة ونصف
لقيت امي بالمجلس وتتوجع من الالم وبطلة الفيلم (جدتي) جالسة عندها
قلت : سلامات يومه عسى ما شر(مسوي ما ادري عن شيء)
قالت جدتي: ابد والله بس تشتكي من الروماتزم وعالجتها(امحق علاج)
وبعد أيام قامت امي مثل الحصان ولاعاد تحس بأي ألم والحمد لله.
وعلى فكرة ترى جدتي عندها خبرة ما صارت ولا استوت خصوصا وكل تجاربها على أولادها ناجحة 100%
فموضوع الروماتزم عجز الطب الحديث بإيجاد علاج شافي له
وانما على مسكنات لها اضرار جانبية على المريض
وجدتي لقت له الحل
فما بالك بالنحافة من باب أولى حلها موجود عند جدتي
فإذا عندك الشجاعة إنك تتحملي الكية الاولى
فثقي بأنكي ستحصلي على العلاج الشافي بإذن الله(ههههههههه)
لآنه زي ماتعرفين ان علاج جدتي يبدأ بالكي؟؟؟؟؟؟؟؟؟؟
وعلى فكرة ترى لي تجربة مع علاج جدتي بس أنا اكره شيء عندي الكي
استطعت بقدرة قادر ان انجو منه في اللحظة الاخيرة؟؟؟؟؟؟؟؟
اما القصة فمحرجة لي ولن اذكرها
بس عاد مثل ماقلت لك اذا تبي العلاج اللي ما هو علاج مريم نور
قولي لي وانا احجز لك عند جدتي
تراها مثل المستشفيات مواعيدها بالسنين
بس أنا واسطة يعني يمكن نقدم الموعد 6 أشهر
مع تحيات
الرئيس
__________________
اللي يبينا عيت النفس تبغيه
واللي نبي عيا البخت لايجيبه
|