إخوتي الأعزاء ...
السلام عليكم ؛؛؛؛؛
في الحقيقة جت على بالي فكرة ان شاء الله تعجبكم .... والفكرة ان نكتب مواقف صعبه وحرجه .. وان يحاول الآخرون التعليق عليها .
والهدف من هذه الفكرة نشر روح المرح والدعابه بين الإخوة الأعضاء .. وسأبدأ انا اولا .. ولكن اسمحوا لي اذا لم تعجبكم الفكرة او لم تعجبكم المواقف لأني بصراحة ما عندي افكار خياليه كثيره وماني شاطر في هذي المواضيع لكن راح أحاول ... عموما ارجو ان يسمح لي الإخوة الأعضاء بأن استخدم اسماءهم .. وهذا من باب الميانه ورفع الكلفه بين الأخوة الأعضاء ... فإلى المواقف ..
1- ماذا تفعل لو دخلت احد المطاعم اللي قال لك عليها اخوك (ابو الدوم) وبعد ما وصل الطلب واندمجت بالأكل ... فجأه أحد الزباين طب ميت لأن الأكل كان فاسد ... وش راح اتسوي يامسكين
تعليق : حسيبك للزمن ... يا ابو الدوم ...
2- ماذا تفعل لو اشتركت في احد اندية تعليم الغوص حسب نصيحة اختك (اليمامه) ... واثناء حماسك للتدريب اتجهت الى منصة القفز وصعدت الى اعلى منصه ... وبعد ما نطيت ...... اكتشفت ان حوض السباحه ...... ما فيه ماء .....
تعليق : يا خسارة شبابك ..... يا فهد ...
3- ماذا تفعل لو بعت كل املاكك لأنك ناوي تهاجر وحطيت افلوسك عند البنك اللي تملكه (العنود) ...... ولما جا موعد السفر رحت عشان تسحب فلوسك من البنك .... ولما وصلت للبنك لقيت البنك مقفول ومكتوب على بابه .... عفوا البنك اعلن افلاسه .....
تعليق : وراك والزمن طويل ..... يا عنوده ....
واكتفي بهذا القدر .. لأني بصراحه جعت ورايح اتغدا ... وان شاء الله لما اتخيل مواقف جديده راح اكتبها لكم .....
وقبل ما اودعكم ... ارجو من الاخوه اللي ذكرت اسماءهم ما يزعلون .. لأني اعتقد اني امون عليهم ...
وتقبلوا تحياتي .....
