اهلين جمال..
ياخي هالمنشق ذبحني..كل مانجي نسولف معه ينحاش..مدري ليييييش.
ماعليك منه..بس سالفتك حلوة وضحكتني..
بالنسبة للمنشق وسالفة غطاوي السفن اب..
الرجال بعد سالفة الشريطي..انقهر..وقال الى متى وانا غبي ودايم وجمال يضحكوووون علي..كخخخخخخخخخخ
راح سلمك الله وقدم في معهد المرووور (مامعه الا كفاءة زي منت عارف..يعني يادوب يعطونه عريف في الشرطة..كخخخخخ)
المهم اول ماشافوه قالوا هذا وشلون نبي نسلمه جيب دورية وشلون يبي يركب فيه (انت عارف انه سمين شوي..اي شوي..كخخخخخ) المهم الرجال كان جايب واسطة من ولد عمه كليفيخ (رقيب في الشرطة)..
المهم الرجال دخل الدورة وتخرج وصار عريف..وعينوه في المرور في حي النظيم..كانوا حاطينه في الارشيف..بس الرجال متعقد من شي اسمه ضابط وكان يقوووول ياليتني كملت الدراسة ودخلت الكلية الامنية..
وهو ذابح الضباط بذكائه الخطير..اصلا هو من ايام الطفولة كان يحب يكون شرطي..وكان دايم يلعب مع البزران لعبة الشرطي والحرامي..وكان دايم هو الشرطي (هم يحطونه الشرطي لانه مايقدر يلحقهم من كبر كرشه..كخخخخخخ)
المهم الرجال كبر وكبر حلمه معه..بس الظروووف ماساعدته..
المنشق مضبط علاقاته مع الافراد اللي في القسم..ويقول ياليتني اركب الجب مثلكم..كخخخخ
فيه ضابط عندهم في القسم طيب وحبوب..وسمع بحلم المنشق انه يكون ضابط..جا في يوم من الايام وحب يمزح مع المنشق..وقام بترقيته الى ملازم..بس النجوم اللي حطها على كتفه..كانت غطاوي سفن اب..فرح المنشق وصدق نفسه..
وكان اذا غاب الضابط..يطلع من الارشيف ويركب غطاوي السفن اب ويجلس على مكتب الضابط..وخوياه في العمل مايبون يكسرووون بخاطره ودايم ياخذونه على قد عقله..ويعاملووونه على انه ضابط..ومن سوء حظك ياجمال انك طحت بيده ذيك المرة..لانك عارف انه مايطيق شي اسمه جمال ولا شي اسمه دايم..
فهمت الحين..كخخخخخخخخخخخخ
|