[طخطيخو]

ان اسف يالربع دخلت بالغلط لكن عزمت اني ما اطلع الا قارى هالنقاش الثري بالمعلومات وفي الحقيقه يالربع ولايهونون باقي كتاب الخيمه.
اني طلعت من رأسي بعض الذكريات المضحكة حول هذه المواضيع الغناء وما شابهه.
كنا قبل حوالي 15 سنه عندما كنت صغيراً في الحاره كانت حفلات الزواج تعمل في براحة الحي( مكان واسع وخالى من البنيان )وفي بعض الاحيان يجون بعض اللي كانو يسمونهم اهل السامري يرقصون ويغنون الين يجي الصبح ولكن ما اخبي عليكم اذا جاء اخر الليل كان هالغناء اللي نشوفه اول الليل يتغير تلقى هاللي يرقصون تتغير احوالهم وكنا نسأل اللي حولنا ونقولهم هالكلام ويقولون كلمه ما نعرف معناها ( الزار) فتجد الرجال اللي جالس بجنبك نقز كنه سبرنك مضغوط على الارض وتركته الا وهو وسط الميدان وراح يمين وشمال ويمين وشمال حنا نحط ايدينا على عيونا من الخوف ونقول الرجال انكسرت رقبته لكنه يرجع سليم وبعد سنوات قالوا ان الجن يتلبسون هالناس اللي يرقصون وانا ما ادري وش الطبخة .
الوالد الله يخليه لنا كان يقول هذا حرام الغناء مزمار ابليس ولا ندري وش الحكم الين قلتوا عن هالكلام الطيب لكن لو سمحتوا لي زي ما قال الاخ عمر الشادي ان الغناء اذا ما كان فيه مياعه او موسيقة وكانت الكلمات زينه اما مدح بالرسول او مدح لبعض الاخلاق الزينه مثل الصدق والكرم وغيرها
لكن لي عتاب على عمر الشادي لو انه غير كلمة غناء الى كلمة نشيد لان النشيد بدون موسيقه والغناء بالموسيقه
وانا اعرف انه يقصد هالكلام وهو ما يحلل الغناء ياخوان لكن يسميه غناء وحنا نقول عنه نشيد ،
وسامحوني ان كنت طولت عليكم
مع السلامه