[الصمصام]

======== هــواهــا تـغـّـيـر ========

الله على دنيا هـواهـــا تغـيّرْ
..............عـقـب هـبوب السـعـد هـبّت كئيبه

والله على عـينٍ بالليل تســـهر
..............تبكي رفاق الأمس وصـحـبه نجــيبه

خـلاّن ما يغيبون في الموت الأحمر
.............خـوّه،شهامه ،صدق، كــــرمٍ وطـيبه

من بعد فرقاهم زمـــــاني تكدّر
.............كنّي غرقت وغبت في غــبّة قـــليبه

أو صرت مثل اللي طريحٍ مكســــّر
.............طايح بوسط القوم جروحه عــــطيبه

حسافة رفيقي اليوم بالهرج مظهر
.............ولا بغيت الفعل فعاله عــجــــــــيبه

ونا خويٍّ له في كل مـعـســـــر
............يامــــــا شربت المر ويشرب عـذيبه

ان كان رفيق الدرب عليّ تشـــطّر
............وش عاد بعد اليوم أنا ارتجــــي به

ولا لزمه الحق قام وتنكّـــــــر
............يميّل عن الجادة ويرقى صــعــــيبه

ياحيف حين يقول باللوم تخســـر
...........ويدق سلف المور تسمع صــخــــــيبه

هذا أنا ويّاه في وســـــط بندر
...........يا كيف لو كنّا في صحرا مهـــــــــيبه

أببعد لجل يبقى والبعد أخـــير
............والكل في دنياه يواجـــــه نصــــــيبه

ون مــــــالت الأيام خطوه تعثّر
............بوقــــــف معـــــه وآتيه،آتي بطبيبه

عسى السعد دربه في كلّ معــــبر
............وعسى مزون الخير بأرضه صـــــبيبه


__________________