[ود]

السلام عليكم ورحمة الله وبركاته...


الأخوات.....ذوات الشعر الطويل...
شوفوا وش رأي بعض الرجال (( وليس كلهم طبعاً ))
...............بصاحبة الشعر الطويل...............


اثبتت الدراسات التي اجريت من قبلنا ان للشعر الطويل مساوئ جمه
تتلخص فيما يلي:

اولا: تستهلك اسبوعياً شامبو هذا اذا صار شعرهاناعم
يعني لو خشن اضف للقائمه بلسم زيت وخلافه
يعني تحدد ميزانيه لنظافة شعر زوجتك ولمعانه وحيويته.


ثانيا: تستهلك كميه كبيره من المياه اثناء غسل شعرها
تقعد تبربس في هالمويه وتغسل هالشوشه مدة لاتقل عن
ساعتين ان مازادت وتخلص المويه عن الحي
وبالأخير تأثر على مستوى المياه في المملكة
وحنا دوله صحراويه 0وين ترشيد استهلاك المياه؟؟؟؟؟


ثالثا: تستهلك كهرباء حط تحت هالنقطه عشر خطوط
تقعد تنشف في هالشعر وتستشور فيه 3 ساعات وتسحب من هالكهرب
وعاد مايبيلها كلام فاتورة الكهرب من اصلها مملوحه من غير شعر زوجتك
كيف معه تنفضك نفض


رابعا: فى المناسبات والاحتفالات الله يكون في عونك
شعرها طويل وش تسوي فيه لازم تسريحه لاتقل عن 500 ريال


خامسا: تتعبك نفسياً
يعني اذا جتك من عزيمه وطاحت شعره من شعيرتها تقعد تنوح اليوم كله
وتقول نضــــــــــــــــــــــــلـــــــونــــــــي (يعني ضربوني عين)
وتصجك وتجرك وراها من شيخ لشيخ من غير عاد الفلوس
اللي بتدفعها للزيت والمويه المقري فيها وغيره
هذا اذا ماخلتك تمر كل بيت وحده حضرت العزيمه
ومعك طاسه مويه تخليها تتفل فيه


سادسا: تتعبك جسديا
راح تلقى شعرها في كل مكان في صحنك0 بيالتك0 ثوبك
واخرتها بتطيح بالمستشفى يستخرجون الحصوه اللي في معدتك

ملاحظه:الحصوه شعرها تجمع في بطنك
جعلها تلفك بشعرها وتخليك مثل المومياء


سابعا: تسوي اشتراك سنوي مع احد السباكين
طبعا عشان تفتح المجاري المسدوده بسبة شعر زوجتك المصون

وش اقول وش اخلي بلاااااااااااااااوي متلتله


وبعد هذاكله ...


عساكم بتقولون

ابي وحده شعرها طويل


منـــــــــــــــــقول....