[وليد الظهران]

يازماني كل ماسنيت حد iiالحضرميه


------ اعترضها عمد مسمار(ن) من الصلب iiوثلمها


ان هرجت قليلين المعرفه زعلوا iiعليّه


----- وان سكت اهل النوايا السود قالوا مافهمها


يامعقدة الشوش من ماش سويتوا قضيه


----- لمها واحد والاخر قرّب الحبل iiوحزمها


تصلخون وتطبخون ومنكم الذمه iiبريه


------ لامتى والغافلين انيابكم تنهش iiلحمها


وش خطاي الاهواء شقراً جفولٍ iiنرجسيه


------ خازرتني بالعيون اللي تمثناني iiسهمها


واطلبت ودي طلب بالكلمتين iiالعاطفيه


------ وطرحت صف الهدب للقاع واغرتني iiشيمها


وانحنت لي طايعه مابين هاذيه iiوذيه


------ ورفعت شال الخجل عن وجهها وادت iiقسمها


ماتخون ولاتهون والاتبدلها iiبنيه


------ لو وسمها من مخاليب الليالي ماوسمها


قلت سمي ثم تبادلنا التحيه iiبالتحيه


------ وحكمت بي كل عرق ورضيت العقل وحكمها


ولالقيت ابها عيوب الا انها فعلاً iiوفيه


------ اغرقتني بالمواصل لين غطاني iiكرمها


كل ماهلت تلقفها الحروف iiالابجديه


------ من غلاها مابقا حرفٍ عنيد الا iiخدمها


وان تجلّت للنواظر مثل برج iiالفيصليه


----- معجزه في معجزه من راسها لاسفل iiقدمها


مايصورها الخيال والا جنون iiالعبقريه


----- ابلغ التوصيف عنها صورتٍ محدن iiرسمها


لو عرفها قيس ماسمه غرام iiالعامريه


----- ولو لمحها عنتره شقراه عن عبله iiشكمها


ولو يطير بشالها النسناس في سوق iiالحويه


----- صار زواره لها جمهور والباعه iiحشمها


الله اللي خصها بالزين والتفس iiالرضيه


----- والله اللي خصني فيها وحسادي iiحرمها


الحياه بدونها ياعاذلي جرم iiوخطيه


----- والسعاده في لقاها اذوقها واطعم طعمها


قربها يطرد دجا سود الليال الخرمسيه


----- والدفا في صدرها واليا ضميت العد فمها


طاهر(ن) يطفي ضمايه منه صبة iiشاذليه


------ رشفته تنسيني ايام العوز ويطيب iiالمها


ذكرتني في حديث الجد عن رحلة طميه


----- يوم شدت وانزلت في جال ضلعٍ iiماعزمها


يالعواذل مالكم عندي كثير والا iiشويه


------ ريحوني دوب حانت فرصتي وابا iiاغتنمها



ان زعلتوا ماعليّه وان رضيتوا iiماعليّه


------ وش يصير اليا تغامزتوا وقلتوا مافهمها ii؟



وسلامتكم