[لبناني]

اذا كان السؤال لماذا يكرهون الوهابية فالجواب رح يكون مختلف حسب اختلاف الناس في مذهبن وتعليمن

انا ما بدي فوت بجدالات ما اطلع فيا بنتيجة
بس بدي جاوب متل ما بعرف وشايف على ارض الواقع وحط الاصبع على الجرح


شفت كتير من الوهابية وقعدت معن بلبنان وبرات لبنان بس ما فيني اللك قديش بدو الواحد يتعقد لما بدو يمشي على حسب ما بيقول

مشكلتن اخي انو كل شي عندن حرام وكل شي عندن بدعة

اذا تصافحنا بعد الصلاة مع بعضنا وقلنا تقبل الله بقولو بدعة وحرام

اذا قاعدين بعزا واحد ميت وقال الشيخ الفاتحة على روحو ما بيقروا معنا الفاتحة وبقولوا حرام

اذا ماشيين بجنازة وصار يصرخ الواحد ( وحدو الله) ويقولو وراه ( لا اله الا الله ) كمان هيدي ممنوعة وحرام

وما فين يشوفو واحد ماسك سبحة عمبيقول سبحان الله الا بقولولو بدعة وحرام سبح باصبعك او بالحجران

اذا قلنا بعد قراءة القران ( صدق الله العظيم) قالو حرام وضلال وبدعة

ولو بدي اسا اجمعلك شو بيقولو بشيب شعر راسك

والمشكلة انو لو مديت نظرك لبعيد بتشوف الناس عمتعمل هيك فبقولولك كل هالناس عضلالة

انا بشوف انو هيدي كتير مأثرة ومنشان هيك بيكرهون