السلام عليكم و رحمة الله و بركاته..
(في الحقيقة التي لايمكن انكارهاأن اهل .....سلط الله عليهم بسبب ذنوبهم لقد عم الفسق بهم من انكار لنعمة الله و استهتار في الدين والبعد عنه وتقليد العجم والسفر الى بلدانهم وانتشار الفواحش بينهم و التبرج والسفور وانتشار الخمور والمخدرات وبيوت الدعارة نسأل الله العافية.)
ليش يا خوي يا حافظ!!
أنا شلت كلمة الكويت من الفقرة , بس أبي الواحد يقرا الفقرة مرة ثانية بدون الديرة,وايد كنك تكلم عن بانكوك,ولا....,..من هالدير اللي نسمع عن خرابها.
ياخوي حنا بلد مسلم (مو بس بالأسم)عابدين و مصلين وذاكرين وشاكرين لنعم ربنا أبد مو ناكرين ومعطين حق غيرنا علينا من النعم اللي أنعمها ربي عليناوالله لايغير عليناان شاء الله, و انا دايما أقول " اللهم لك الحمد بكل نعمة انعمت بها علينا في قديم أو حديث أو خاصة أو عامة أو سر أو علانية فلك الحمد بالأسلام ولك الحمد بالأيمان ولك الحمد بالمال و الأهل والمعافاة ..كبت عدونا وبسطت رزقناواظهرت أمننا و جمعت فرقتنا وأحسنت معافاتناو بكل ما سألناك ربنا أعطيتنا"
انت لا تشوف الظاهر, (السفور عند البعض) وتحكم وتقول ان أهل الكويت فيهم فسق و استهتار بالدين و...لأن الواحد ما يحكم على الواحد بهالاشياء بس لانه سفور,ويغض بصره عن الأشياء الثانية !!الحمد الله أناكذا مرةاذا رحت دروس دينية يعملها بعض البنات في منازلهم, اشوف الكثير من الحضور سفور...والله يهديهم ان شاء الله
و بعدين يا خوي لاتشوف كم خبر عن المخدرات و الدعارة وتسوينا بلد جرائم,أنا أشوف أكبر حملة ََََََََََََضد المخدرات عندناعلى المستوى الحكومي و الشعبي (وزارة الداخلية أو الشؤون أو الاوقاف .. و حملات غراس واحنا بعد وياكم
..)أنا أتوقع الكويت باتت أصعب دولة بالنسبة لتجار المخدرات!!
و هذا حتى بالنسبة للخمور ...اللي هي بعد ممنوعة الحمد الله حتى في خطوطنا الجويةالكويتية ..يعني بعض الدول الخليجية اللي ماحاشهااتهامك فيها الخمور والخنزير عادي عينك عينك ..الله يهديهم
ياخوي حنا صحافتنا متفتحة كل اللي تبي واللي يجذب القاريءتكتبه ..تسوي من المواضيع و الجرايم مادة دسمة..على عكس باقي الدول اللي قد يكون فيها نشر هذه المواضيع يتم بضوابط شديدة.. و بالتالي اتطمطم على الاشياء .. وهذا أحسن من وجهة نظري
وبعدين كلمن يسافر
حق البريدات والترفبيه و تغيير الجو.. والله واحد بكل مكان طبعا
والكويت و غير الكويت فيها الصالح و الطالح وانا ووفق معايير دينية كثبرة أشوف الصالح أكثر والحمد الله
والله يقدرنا على طاعته أكثر و أكثر و يجعلنا من المتقين ان شاء الله