[النسيان]

خيزرانية جسد لا سلهمت كن بهدبها

يبتدي ليل الظلام وتنتشي روح القصيده !!


عيطموسٍ من شعاع خدودها تغري ذهبها

في شفاياها الكرز من غيرته جمره وقيده !!


كن حرفي رمشها من لهفتي طاح وكتبها

سيل العاب القصيد بدفتري غنوه فريده !!


فارسيه صبحها من طولها ذااب بعصبها

اكتب الحرف بسناها وشطبه ورجع وعيده !


تحتوي لون الشفق في جسمها حتى شربها

تشعل انوار المحبه با الاحاسيس البليده !!


تسلب التفاح لذة سكره مدري سلبها

ناعمه كن الحرير بجيدها ظلمى فقيده !!


تستفز الشال حدة خصرها حتى قضبها

كنها خيل الشجاع الضاريه يوم المكيده !!


من سرتني والتعب في مهجتي يعشق تعبها

علمتني في متاهات الغلا دنيا جديده !!


بنت شيخا مترفه لا سولفت كن بعتبها

ميةً تجري بروحي لو مسافاتي بعيده !!


الله اللي حطها في مهجتي والله وهبها

كل ماهي تشتهيه وكل ماروحي تريده !


لعنبو شيطانها يا توهتني في هدبها

ما صحيت الا وروحي با الورق سالت قصيده !!!!