[همس الأحاسيس]

[poet font="Simplified Arabic,5,firebrick,bold,normal" bkcolor="transparent" bkimage="backgrounds/14.gif" border="none,4,gray" type=2 line=200% align=center use=ex length=0 char="" num="0,black" filter=""]
اسمحي لي يالغرام العف يالوجه السموح = إن لزمت الصمت أو حتى لبست الأقنعه
اعترف لك ما بقى من عالي الهمّه سفوح = انحدر كلي كما طفل تحدر مدمعه
من يبي بالله يفتح لي غلق صدره وابوح = ضاقت الدنيا بشاعر طيب قلبه ضيعه
ما قبلني الحظ قولي وين ابرحل وين اروح = الصبر يا هو يعذب والأماني موجعه
آه يا جود الحزن وياي والفرحه شحزح = ضايع بهمومي الغبرا بوسط المعمعه
اشتكي لوسادتي دنياي واسمعها وانوح = كنها بعضي وبعضي وينه هو منه معه
ايه انا والعالم المغرور والياس اللحوح = خايض حرب الرياح اللي تسوق الأشرعه
مختلط في عبرتي حبر الشقا ودم الجروح = ومستوى في نظرتي غرب الوجود ومطلعه
عودي المبري بقا به من عطايا الوقت روح = وفصل خامس حاير بين الفصول الأربعه
وراس مالي ذكريات وحلم وآمال وطموح = لا صديق ولا رفيق ولا طريق أتبعه
نوب اسافر في سديد الراي ونوب في جنوح = مختفي صوت الحقيقة كيف وشلون اسمعه
سامحيني دام عذري واضح كل الوضوح = واسمحيلي بالرحيل بلا تذاكر وامتعه
[/poet]

أسير الشوق