عرض مشاركة مفردة
  #1  
قديم 05-11-2003, 01:54 AM
Almusk Almusk غير متصل
كاتب مغوار
 
تاريخ التّسجيل: Jul 2003
الإقامة: الخليج
المشاركات: 3,051
إفتراضي تبي تصير مخترع ...تفضل أدخل ونفذ التوصيات...

السلام عليكم ورحمه الله وبركاته

طبعا .. مافيه أحد فيكم . حاط في باله .. ولا في نيته .. يكون مخترع …وهذا شي يطمن …

لأن معظم المخترعين والمشاهير .. كان هذا شعورهم.. بس .. حاولوا تقلدونهم … لعل وعسى … نخترع … حتى لو لمبة .. زي ما بدأ .. توماس أديسون ..


** أول خطوة:
أقعد في البيت لاتطلع منه …لأن معظم المخترعين... كانوا يجلسون في بيوتهم … وكأنهم ينتظرون الإلهام …


** ثاني خطوة :
إذا أكلت … لا تغسل الصحون … خلوها .. وإيش عليكم فيها في المطبخ ماراح تزعجكم …العالم البريطاني .. إلكسندر فلمنج ماكان يغسل الأطباق ..لين طلع عليها اللون الأخضر من التعفن … وكانت هذه العفونة هي الصورة الأولى للبنسلين .. المضاد الحيوي ..!

**ثالث خطوة:
راقب كل شي في البيت... بما إنك جالس … ولاحظ... حتى لو قدر طاح … كبسة أنحرقت...الباب دق …لأن اللي أخترع الآلة البخارية … أو العربة البخارية …كان يسوي لنفسه شاهي … شاف الإبريق يغلي. وقام الغطا يناقزويهتز ..وأبتكر العربة البخارية … تعرفونه طبعاً


**رابع خطوة :
أنا عارف أنكم بتملون من البيت … عشان كذا ممكن تطلعون مرة في الأسبوع <<< الله مين قدكم .. بس بشرط … تجلسون تحت شجرة .. مايهم أي شجرة .. خضراء يابسة .. المهم شجرة …زي ماسوا نيوتن .. نام تحت شجرة تفاح .. وطاحت على دماغه التفاحة … وأكتشف الجاذبية .


**الخطوة الخامسة :
دخل نفسك في كل شي … ودخل عصك ولاتقول .. ما يخصني ..كل ماخرب شي في البيت .. أطمر وصلحه .. وأبدأ بالفزعة ..لأن اللي أخترع الكفرات .. أو العجلات الحالية … كان يصلح سيكل ولده .. شاف إن صوت العجلات مزعج .. فأبتكر المطاطية السوداء..


**الخطوة السادسة: …
إن ضاقت فيك الدنيا وما عرفت إيش تسوي … لا تجتهد وتفكر إيش أخترع ؟؟ … ترى كله يعتمد على الفرصة + الاستعداد الجيد = الحظ ، <<< عاد الحظوظ لا تعليق

** يعني خلك مستعد على طول …وأنصحك ..تستحم.. أو تتسبح … بس لا يكون تحت الدش ..لأنك راح تخلص بسرعة .. وما يكون عندك مجال للتفكير ..

شفلك بركة .. ولا حوض .. ولا سطل .. المهم شي يكفيك وأطمر فيه .. يمكن الله يفتحها عليك …

** فالعالم الإغريقي أرخميدس ..كان يفكر كيف يعرف حجم الأجسام ..وفجأة كان يستحم .. وخرج من الحمام عاريا في الشوارع يقول: ..أوركا ..أوركا..

وهي كلمة يونانية معناها ( وجدتها ) أما الذي وجده : فهو أن الماء الذي خرج من السطل (البانيو) ..عندما نزل فيه يساوي حجم جسمه …

(( سبحان الله ؛ تجي بالبركة ))

** الخطوة السابعة :
زي ماقلنا أول .. لاحظ كل شي في البيت ..وأهم شي المكسورات .. لإن كل شي ينكسر وراه حكمة ...

** مثلا ..اللي أخترع الزجاج المثلج .. أو اللي ما يتفتفت لو صابه شي ... كان مرة جالس في بيته .. فجأة طاحت قارورة فيها سائل اسمه ..( كولودين )

طبعا القارورة ما انكسرت .. لأن السائل كون طبقة على جدرانها .. وحفظها .. من التفتفت .وهذا السائل هو اللي بيستخدموه الآن في صناعة هذا الزجاج ...

أتمنى لكم اختراعات ممتعة ولا تنسون <<< سننتظركم
إذا فتحها الله عليكم يوم من الأيام ؛ مع إنه مافي أمل

أقل شي أذكروا إسمنا في سجلات المشاهير

الموضوع وصلني بالمرسال