[الوافـــــي]

[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يمّه الغُربه وفرقاك ملتمّه = دمعةَ العين هذي مالها داعي
يا بعد راسيَ انتي ليه مهتمّه= الوجع لي سواةَ الناي للراعي
آخر اخباري الذّمه هي الذّمه = والوصايا هذيك تقدّي اشراعي
ما به إلا السواد يحاود اليِمّه = ولابه إلا البياض اللي ورا اضلاعي
واشعلن ما يفارق ليلْ حضن أمه = واخضر(ن) كل صبحْ من اول اتباعي
يتعب البرق ما اتعبت النظر يمّه = حل مرباعي أو ما حل مرباعي
حدقي بامهات الغيث يا يمه = وانشديهن بعد ما قلّّت اطماعي
انجبن لي عروسة حلمنا ضمّه؟ = أو بعد توّها تشرب عطش قاعي؟
واذكري كيف كان العود أبو عُمّه = يتعلّى صهيله وارخي اسماعي
أُمنياته بدربٍ ودي آتمّه = آخره صعب واصعب منه مرجاعي
يوم كلٍ فزع له خاله أوعمّه = يكفي انّي وردت العدْ بذراعي
أرفع الراس بين الروس ما همّه = وآتباها وانا الغرقان باوجاعي
يُمّه الحُر طبعه يعشق القمّه = وانتي اللي فطمتيني على اطباعي
الهوى دام راسي حي ويشمّه = والله اني لاسوق هناك ذعذاعي
غُربةٍ تلوي ذراع اشجع الخَمّه = لا تخافينها لو تقلب اوضاعي
يمكن تبعثر الرجّال وتلمّه = بس بدري عليها تلوي إذراعي
[/poet]

( ناصر القحطاني )

تحياتي