اليوم واجهت نسر أبيض من نجد , فسألته بمناسبة العيد الوطني السعودي , أعاده
الله علينا وعليكم باليمن والبركات , عن الإنجازات العظيمة في بلدنا , فأجاب بلهجته
المحببة إلى القلوب :
أنا ودي اليوم أتبصر في وادي البهيم والخمام من البشر ,,
وبلكي نشوف دبره وحل لهم حيث انهم بحاجتن للمساعدة ,,,
اللي يصلح يصلح واللي ماصلح عساه يطير ولا يوقع غير في وادي الجن ,
واظن الجميع يعرف وين وادي الجن ودربن يودي لا يردي ,,
والتواصيف هذي اكثر ماشوفها فالمسعولين الكبار من المدنين والعسكر ,
وبخاصتن فالضبطجية ,
وهذولي ترني سميتهم ( كبار الكروش كثار القروش ) ,,
يوم تعاين كرش الواحد فيهم تقول الله العالم القابلة يتنفس على بزر ,,,
ويومن تشوفه راكبن موتره تقول وش ذا الخيمة المبنية فالغمارة ..!!
والراس كنه جح دوسري والمخ جواته ليمونه ناشفه ...!!
هذولا هم كبار المسعولين فالدولة الوزير والوكيل والخبل والهبيل ,,
والضابط الكبير والقاضي واللي عقله فاضي ,,
ويا دافع البلا يدير الدولة العرجا والمندقة ,,,
واللي من دون صار لون البدون ..!!
لا فالقاع ولا فالسماء ,
البدون اللي ماحدن موريهم وجه ولا معترف فيهم كلن يقول ديارك هالصوب !!
الحكومة تحط فالوزارة وزيرن ما غير يزأر على ناسن من توالاه ( الأقل منه ) !!
ولا زار المناطق وتبا توضح له نواقص وعوايز البلد قام يتلاقط ريقه ,
وبالكاد قولة نشوف مطلبكم مع المسعولين الكبار يعني هو وزير بس صغير صغرحظه ,
والكبار لامن قابلهم قامت تصافق كراعينه ,
ومن ثم تجيه ام الركب ,
ومن الهبال يالله يقوى يقول كل شيء تمام ( إهب يا لخمام ) ,
هذا وانت تقول أشوف المسعول ويصير خير !!
كان الخوف منخون قلبك خل المنصب للرياجيل اللي ملوسنه وتقوى المجابه يالرخمة !!
وان كان المنصب يسكتك وخايفن علاااااه ترى هذي أمانتن في حبال رقبتك !!
وان كان المسعول الكبير يتصدد بنواظره عنك لا طلبته حوايج الشعب صد عنه !
وخله يدور غيرك وتحمل الامانة ,
وترى من ضيع أمانته زادت مهانته ,,
ولو كل مسعولن فينا عمل هالعمايل قلت الخمايل ,
وتبلش الحكومة ,
مير البلا لا صار كلن اللهم نفسي تقول الناس فالمحشر قدام اللي خلقهم ,,
فتحملوا مسعوليتكم فالدنيا قبل الآخرة أخير لكم ,
ولا تقول السقف خربان ,
وان ما كلته الصقور تاكله الغربان ...!
الا سريعينن فالصحف سوينا وعملنا وعملتوا التراب فوجيهكم ,
القصيبي قصب الله عضامه خلا النسوان تشتغل فالمطاعم ,
والرشيد خلا الجامعيين يصبحون الجح والكراث وفالمساء عتالين باسواق الأثاث ,,
وزير الصحة جاب هنودن ما نعرف ملتها ومذهبها تطبب فينا ,
يا وزير الصحة ما تشوف عزوز شال ثالولن في ( بيدي لا بيد شهاب ) باريس ,
ورا ما تهرج وتقول مشافينا كافيتنا !!
وش نقول وش نخلي حكومتن عساها تولي ,
ولا هرجت على اللي وصفتهم في بداية السالفة المشكلة ناسن تهس ولا تنس ,,
قال الله يعز حكومتنا !!
نقول له ما عليش بس ,
المشكلة الثور أخي العزيز إفهم ,
لا يحلللللللللللللللللللللللللب ...
ملاحظه : (( للترجمة الفورية للموضوع إبحث عن أقرب معمر في دهاليز نجد و ما جاورها ))
__________________
http://hewar.khayma.com/showthread.php?s=&threadid أن المفهوم السياســي للوطن في الإعلام العربي والخطاب السياسي ـ غالبا ـ ينتهي إلى أنه الكذبة الكبرى التي اصطلح الجميع على إستعمالها للوصول إلى أطماعه الخاصة ، الحزب الحاكم يستعملها مادامت توصله إلى أطماعه ، وطبقة التجار كذلك ـ إن كانت ثمة طبقات تجار خارج السلطة التنفيذية ـ مادموا يحصلون على الصفقات الكبرى ، والأحزاب الساعية للسلطة يمتطــون هذا المفهوم للوصول إلى السلطة .
ولهذا ينكشف الأمـر عندما يتخلى الزعيم عن الأرض هاربا عندما يفقد سلطته ، وتعيش الأحزاب السياسية خارج الوطـن ، وهي تتاجر سياسيا بشعاره ، ويُخرج التجار أموالهم ليهربوا إليها عندما تتهدد مصالحهم التجارية في الوطــن ، بينما كانوا يجعلون الأرض سوقا استثماريا فحسب ، ويبقى فيها الشعب المسكين الذي كان مخدوعا بهذه الكذبة ، حبّ الوطن ، إنه حقـا زمــن الزيــف والخــداع .
=46969
|