رسالة
ياوجه امي
وانا في غربتي وهمي
تمر وجيه هالمعالم
واطالعهم
ادقق في ملامحهم
وتغيب وجيههم عني
ويظهر وجهك الطاهر
واناديله
يا وجه امي ... يا وجه امي
ويتلاشى
من دموعاً ملت عيني
واناديلك
اناديلك
يمه ... يمه .. صدقيني
كل هالعالم جفاني
الا حزني ... ما يفاقرني ثواني
ليه يا يمه اعاني ؟؟
ضحكت من الفرح مره
وبكيت من الحزن مرات
امانه ليه يا يمه .. !!
امانه ليه يا يمه .. ؟؟
دقيقة صمت
وتمر وجيه هالعالم
اطالعهم
ادقق في ملامحهم
واشوف بعينهم يمه
كلاماً يكسر الخاطر
واموت بحسرتي يمه
دقيقة صمت
انكسر قلبي يا يمه
وفي سراديب الحزن طارت
روح روحي
وانتثر شوقي يا يمه
من يلمه
دمعتي .. او شمعتي .. والا سكاتي
|