[الهادئ]

يا عم جربوع ...

السلام عليكم ورحمة الله

حبه حبه عليا ...

أنا عارف إن الحالة زفت و قطران و ما أنكرتش ده و عارف مدى الإنحطاط إل وصل ليه كثير من الشباب ... لكن الموضوع يتاخد بالعقل و الدراسه ... مش بالتسرع و التهبيش لأن أسهل طريقه لحل المشاكل الإنتحار لكن للأسف أخرها جهنم ...

إحنا عايزين حكم إسلامي ... عايزين ديمقراطيه فى إنتقال و تداول السلطه عاوزين السلطه تبقى بالخيار ولا أنت ما بتحبش الخيار فى السلطه ؟؟

طيب إزاي نوصل لده ... ؟؟

كل واحد يروح يدور له على حتة سلاح و نطيح فى بعض ؟؟؟

تحب تولع فيها ... وكل إلأ مش عاجبنا نفجره هو و عياله و جرانه و الشارع بتاعه ؟؟ ...

تحب نعمل إيه نولع فى الشرطه لأنهم بيحموا السلطه ( إل من غير خيار ) و نولع فى الجيش لأنه بيتعاون مع أمريكا ... و نسيب البلد و نفتح السجون و نطلع كل الحراميه و قتالين القتله و كل واحد يولع فى إلأ هو عايزه المسلمين فى النصارى و النصارى فى المسلمين و المنايفة مع الشرقاوية و الصعايده مع بحري و الأهلي مع الزمالك ... و بعدين بعد ما كله يولع فى كله ... نولع إحنا فى بعض زي ما حصل فى أفغانستان و بعدين بعد ما نخلص على بعض طبعاً إسرائيل هتخاف على نفسها من القلق إل عندنا و هتخش تحتلنا حفاظاً على أمنها ولأننا بقينا بلد إرهابي ..... و شلة الزرقاوي تيقى ضمنت لها نومه ولقمة عيش بعد ما يكرشوهم من العراق ...



شوف يا عم جربوع إحنا و بإذن الله هنوصل للإحنا عاوزينه من غير ما نهد البلد و نولع فيها إحنا ضد إل بيسممونا و يبسرقونا و بيضيعوا شبابنا لكن لكل مقام مقال و العنف ما يجبش غير عنف ...

و السلام ختام ...