السلام عليكم ورحمة الله وبركاته
وصلنى هذا الموضوع عبر البريد ارجو ان يعجبكم كما اعجبنى
<******>drawGradient()
بِسْـمِ اللّـهِ الرَّحْمَـنِ الرَّحِيـمِ
الحمد لله رب العالمين ، و الصلاة و السلام على سيدنا محمد سيد الأولين والآخرين ، و على آله و صحبه و من اهتدى بهديه إلى يوم الدين
اخوتي في الله السلام عليكم و رحمة الله و بركاته
عايزة اقولكم حاجة بس يا ريت تقرأوها للآخر و متزهقوش مني بسرعة
ممكن ؟؟؟
طيب الأول خلوني أسألكم لو اتنين عندهم سباق جري ( مثلا ) واحد منهم نااام وصحي على ميعاد السباق .. أما الثاني بقى فا الله ينور بيسخن و يتمرن و يتدرب بقاله اسبوعين مثلا أو شهر و في الميعاد بدأ السباق و بدأوا في الجري .. تفتكروا مين الهتتعب الاول ؟ النام ولا الاتدرب ؟ طيب مين فيهم نفسه هيكون أطول ؟ مين هيوصل اسرع و أسهل ؟
هو دة اللي احنا عايزين نعمله .. ايه رأيكم ؟؟
بس السباق بتاعنا مش هيكون لأي كأس أو أي جائزة . لا هيكون لاكبر من كدة بكتييييييييييييير
هيكون سباق لرحمة ربنا و مغفرته و عتقه لنا من النيران ...
انا مش عايزاكو تقرأوا الايميل دة و تمرروه وخلاص أو حتى تمسحوه .. بجد عايزة اننا نفكر فيه مع بعض
احنا فعلا عايزين ننفذ و نتمرن مع بعض و نحط خطة للتمرين دة ..
و في ميعاد السباق ...................... " و في ذلك فليتنافس المتنافسون "
فا إحنا عايزين نسخن و نبدأ التدريب من النهاردة
مش عايزين ننام و نصحى عالميعاد فنؤدي العبادة بكسل و تثاقل عايزين نبدأ من قبل رمضان .. عايزين نكون ربانيون لا رمضانيون .. يعني مش ننام و نصحى في رمضان و بعد رمضان ننام تاني . .. يعني العبادة مش بس في رمضان . لأ ..
إحنا هنبدأ من دلوقتي إن شاء الله و هنشد أكتر في رمضان .
فنفسي بجد دي متكنش مجرد رسالة نقرأها و نبعتها لبعض وخلاص من باب الروتين .. ..
و لكن نفسي ننفذها ككيان واحد فا نحس بترابطنا كلنا - كل أعضاء المجموعة الواحدة .. و كل المجموعات ببعض .. و كل المسلمين – و تفاعلهم مع بعض ..
إيه رأيكم ؟؟
و دي التدريبات الفكرت فيها ( و لو حد عنده إضافة يا ريت ) :
1 – ختم القرآن على الأقل مرة واحدة قبل رمضان
2 – قيام الليل : و لو بركعتين خفاف قبل الفجر أو حتى بعد العشاء – دا للغير مواظبين على القيام – و للمواظب عليه الزيادة و لو بركعتين فقط
3 – الإكثار من الصيام و لو اثنين و خميس فقط
4 – الصدقة و الدعاء بأن يبلغنا الله رمضان و أن لا نخرج منه إلا عتقاء من النار
5 – الحرص على الصلاة في المسجد قدر المستطاع ( لغير المواظبين عليها في المسجد ) و ذلك للأخوة طبعا
6 – الحرص على السنن و الضحى و الوتر خاصة
إيه رأيكوا بقى ؟؟ هنبدأ مع بعض فعلا ولا هننام ؟؟
اللــهم بلغنــا رمضــان و ارزقنــا فيــه العتــق من النــيران
اللــهم بلغنــا رمضــان و ارزقنــا فيــه العتــق من النــيران
اللــهم بلغنــا رمضــان و ارزقنــا فيــه العتــق من النــيران
جزاكم الله خيرا كثيرا