يا عبد الله - يعقوب احمد يعقوب
يا عبد الله
كُلن عَ القمر طلعوا
إلا نحنا ما طلعنا
وكلن راحوا.. ورجعوا
إلا نحنا ما رجعنا
وبالعلم كلشي صنعوا
إلا نحنا.. ما صنعنا
وكلن سبقونا ومشيوا
وإحنا لِسّ بموضعنا
بدنا نوكل من شي منزرع
بدنا نلبس من شي منصنع
بدنا يبقى عنا مصنع
يصنع تاكسي يوصلنا
للمطار ومنو نسافر.. عاجهنم ونقول للنار
إوصلنالك بتاكسي من صناعة وطنا
نمنا كثير وطال النوم
والنوم منو شبعنا
ويا قوم.. اصحوا يا قوم
شوفوا لقمة ولك جُعنا
ونادينا وما نفع اللوم
وما في حد... وسامعنا
من شان الله.. يا عبد الله
إدعي.. لالله.. يوخذنا..
|