اغنية للناس - يعقوب احمد يعقوب
اغنية للناس
لما بغني.. غصبٍ عني
بلقى حالي.. عَم بغني
لعيون الناس الفقرا
اللي حالن زي حالي
مسكونِه بهم وغَبرة..
وبغني لقلوب الناس
ال مليانه بالاحساس
والمقهورة.. والموجوعة.. واللي وجعها فلق الراس
لما بغني غصبٍ عني
بقلى حالي عَم بغني
عن اشيا زغيره وكثيره..
زي اللقمة والحصيره..
إللي الطبقات الكبيرة.. ما عندن عنها فكرة..
بغني لبنتي لزغيره..
يبقالا فستان جديد
ودراجة.. لإبني زغيره
اهديها لو يوم العيد..
ولشوية ورق وألوان
يرسموا علام الأوطان
وينادوني بابا بابا..
علق هـَ العلم وحطوا
تنزين عنا الجدران
الجدران اللي مقشوره
ومحرومة طعم الألوان
|