[الــنــدى والـــمــا]

هذه قصيده وردها اعجبتني وحبيت اكتبها لكم

أعلنت لك حبي وتالي إنسحابي .... من قلبك القاسي وقلبي جبرته

حبٍ عزيزٍ وافيٍ ما يعابي .... حبٍ كتمته وسط جوفي وصنته

علقت فيه آمال عمري وشبابي .... ياما تمنيته وياما انتظرته

حبٍ سكن مابين جفني وهدابي .... والله ماتتصوره لو وصفته

لا واعذابي بالضماير سطا بي .... بيدي حييته ثم تالي دفنته

انتَ معاناتي وانتَ عذابي .... وانت الذي فرحي ونومي سرقته

ضحيت لعيونك وسكرت بابي .... عن شوف غيرك والغرام احتضرته

رسمت لك لوحة وصارت سرابي .... بينت لي خافي شعورٍ كتمته

هذي النهايه يامسبب صوابي .... سامحك ربي في فؤادٍ حرقته

(مطلع الشمس)

الرد.

لاتكتب همومي وترسم عذابي .... وانا تركت الناس واخترتك انته

قلبي فتح لعيونك السود بابي .... من عقب مافي وجه غيرك غلقته

لاتقول معلنٍ في الغرام انسحابي .... وانا لجل حبك فؤادي فتحته

حبٍ خطف قلبي وضيع صوابي .... واضح ولو عنك شعوري كتمته

والله لو تعلم بحبٍ غدا بي .... إن كان عمرك لجل عيني نذرته

لكنني مخفي عن الناس مابي .... والحب ترخص قيمته لو نشرته

تعال اجدد معك بهجة شبابي .... واعيد عمرٍ قبل شوفك حرقته

تعال داوي في حياتي مصابي .... وانا بعوض لك زمانٍ هدرته

ياسيدي ياعالي القدر والجنابي .... خليت كل الناس واخترتك انته

(عبدالله السيد الهاشمي)

وعذروني على الأملاء تراه رايحٍ فيها