أسعد الله مساكم ..
يمكن مر عليك في بعض الأوقات مواقف تفطس من الضحك...
بس تلقاك محرج من إنك تخلي نفسك تفطس من الضحك .. لأن الموقف ...
مثل في يوم من الايام كان الوالد الله يطول بعمره جالس وسهران معنا أنا و أخواني ..طيب..
وشوي والا يقول أبوي لـ أخوي الكبير : قوم جيب لنا كت كات .. حنا جيعنين ودنا نأكل دجاج..؟؟؟!!!
لاتنحون وتقولون وش دخل الدجاج في الكت كات ..؟؟!! مثل ماتنحت أنا وطالعت جهة أخوي الكبير ولقيته متنح وفم فاغر وعيونه مبققه وجهه رايح كإنه علامة أستفهام وهو يناظر لـ أبوي ؟؟؟!!!
طبعا أبوي لاحظ علامة الأستفهام و التعجب إللي طلعت على راس أخوي .. وحاول يساعده ويدور له أجابة لها قال : هذا ماادري وش تسمونه ؟؟!
فزيت كماهي عادتي وقلت له : الوالد يقصد كنتاكي ...يا....
تدرون من إللي أكثر واحد فينا فطس ضحك هي الوالدة(جعلها تقبرني)..
أكيد الوالد ماصدق تضحك الوالدة معه .. (لأن العلاقات كانت مقطوعة ذك الوقت)....The End
وعلى حس هالموقف لاحظوا كثير من الألفاظ إللي يحرفها كبار السن و حتى الأطفال ..
الكاميرة ... الكيمرة
مكي ماوس ... زكي موز
مايكل جاكسون ... ميكل
سيارات الليموزين ... بامزين
فيلسوف ... تلبزون ...
وأكيد أنتم لاحظتوا مثل هالمصطلاحات .. يله شاركوا خلونا نفطس ضحك بعيد عن الاحراج ..
