ولك مني حسن السلامة في كلامه لكن الملامه بين الاخوة ياسلامه ..
الطيب والمعروف والبـذل والجـود
سلم الرجال اهل الكـرم والكرامـه
اللي لهـم بالنايبـه يفـرق الـزود
كل نهار الضيـق يعـرف مقامـه
الوقت ماهو دايـم سهـود ومهـود
ولا كـل مخلـوقٍ يحقـق مرامـه
أيام بيـض وباقـي ايامنـا سـود
مـن خلقـة الدنيـا ليـوم القيامـه
أحيان يصبح لك من المخطيه فـود
واحيان بعض المدح مثـل الملامـه
ياصاحبي ماكـل موجـود موجـود
لايغرك اللي معجبـك فـي كلامـه
الهـرج مايشفـي قلـوب ولاكبـود
هذا الكـلام اللـي عليـك استلامـه
لايغرك اللي جاب لك وصف وشهود
موجـود للطيـب دليـل وعلامـه
لاصار جودك عن اهل الجود مردود
مانته أميز بيـن صقـر وحمامـه
ياصاحبي وش فيك حاضر ومفقـود
كم لك وراسك مثـل راس النعامـه
واجه مصيرك وارفع الراس بسنـود
لو مت لاترخـص سلـوم الشهامـه
حافظ على دينـك ودنيـاك بركـود
وفـي طاعـة الله حـدد الاستقامـه
وامك وابوك الهم مواجيب وحـدود
والجار مهما صار يجـب احترامـه
وصلة الرحم تدفع عنك كل منقـود
ومن جاك طالب جاه حقـق مرامـه
ولاصار ما انته بالمواجيب معـدود
ياصاحبـي تكثـر عليـك الملامـه
ياصاحبي عساك طيـب ومحمـود
الله يحقـق لـك طريـق السلامـه .. ياسلامة ..
باقي .. وامور .. لم تفهم عندي من التاريخ والنقل .. احاول ان افهمها .. وكله والله لوجد ترتجيه من ازيل بنت الحصان ياسلامة ..
__________________
]
|