قـــال حـــــاقد
قال حاقد قلت يا جاهل هلـي ... كيف باطرف باصبعي عيني واصيح
انت مثل ابليس حقّرك الولــي ... لا تسر ولا تريح وتستريـــح
من يصدق بي وانا الشمس عملي ... ما يذرّيها عجاج جاب ريـــح
لو يطيعك بي غرير يجهلـــي ... ما تطيعك روسهم بي يا كليـــح
هم هلي يا جاهل وهم منهلـي ... لو تضيق القى بهم كَون فسيــح
عَوْدُهم له طاعةٍ واجب علــي ... شيخنا اللي ما يوفيه المديـــح
ما سفهت من العقول الا الخلي ... وما حقرت من الكلام الا النبيــح
الصباخي ما تربّع بالولـــي ... والردي للطيب جحّاد شحيـــح
والعتم لا بد يوم ينجلـــي ... واسود النية يجي يوم ويطيــــح
الردى بُعد السما عن مدهلي ... ما تعلمت اجزي الطيب بقبيــــح
شُمت عنك ابي المراجل منزلي ... وفي ضلوعي شايب عيّا يبيـــــح
ما اعتلِي بالشِعر هو بي يعتلي ... دام ميزاني بحسادي رجيـــــح
لا تصدق في حصانك يا جملي ... كنت انا وما زلت وابطي لك نصيـح
ما عرفت الغيْ واخفيت جهلي ... علموني مستبيحين المريـــــح
لو تبيّن قلت خلوا ذاك لي ... بس دامك كالنسا مالي نطيـــــح
قل مادام اني بكذبك مبتلي ... كل كذب دام هو فنيي صحيـــح
ما اخبر من الذنوب الا هلي ... ذنبي اللي يرفع الراس الفليـــح
طلال الرشيد