26-12-2006, 08:34 PM
|
مشرف عام
|
|
تاريخ التّسجيل: Jul 2003
الإقامة: السعودية
المشاركات: 7,232
|
|
تكفى تــــــــرا تكفى تهز الرجاجيل
بيت مشهور ونكرره دائماً ،، وعندي رواية أخرى ..
قيل إن ( عماش بن عبيد المطيري )
وجهها يشكي ضائقته المالية إلى صديقه
( مزيد المطيري )
حيث قال :
تكفى تــــــــرا تكفى تهز الرجاجيل *** ولولا ظروف الوقت مــا قلت تكفى
تكفى يـــــا مزيد ما يبا العلم تفصيل *** المشكلـــه كبرت على عماش تكفى
مــــا قلت تكفى غير من فترة الحيل *** وانتـــــه ولد من يفعل الطيـب تكفى
انخاك من كثــــر العنـــــا والبهاذيل *** الفقر حطمني .. وانــا ازريت تكفى
غديت مثل اللي بــرك ضامه الشيل *** تضحك بي ضعوف الرجاجيل تكفى
يــــومٍ لك وقفه .. وجاه .. ومداخيل *** مــــــا نغتني عن مثل شرواك تكفى
افزع تــــــــرا وقتي غدى كنه الليل *** والعلم مــــــــــا يخفاك يالقرم تكفى
مـــــا عاد بي شده ولا عاد بي حيل *** ضدتنـــي الايـــام ... والـقــلّ تكفى
اروح وارجع مــا حصلي محاصيل *** والرجل بادت .. يا فتى الجود تكفى
واليوم عندك يـــــــا رفيق المشاكيل *** العذر مـــــــــــا ينفع وانا قول تكفى
حيثك من اهل الطيب واهل المفاعيل *** يـــــــا زبن من جاله ومن قال تكفى
الجيب فـاضــــــي .. واليالـي مقابيل *** عجزت اعيش مع الرجاجيـــل تكفى
والراتب المحدود .. يـــــروح تحويل *** من الاداره .. لاهـــــــل الديـن تكفى
حتى عيالــي مـــــا قدرت الهم الكيل *** والازمــــه لا جـــات .. صديـت تكفى
ارجـــى الفرج والله يجيـب التساهيل *** واعيش فـــي راحه مع الناس تكفى
والله كريــــــــم .. يبـــدل الحال تبديل *** ومــا قلّ دلّ .. وصامـل الهرج تكفى
__________________
فضلاً لا أمراً .. اضغط بالفأرة على الصورة ..
|