[الحقيقة.]

- الطفل البرىء !

في المنزل تجده حبووووووب وطبيعي 100%
لكن مع دخوله المدرسة..(تنمحي) شخصيته ..
فتكثر الاصابات في وجهه .. لانه لا يدافع عن نفسه ..




2- الطفل العنيد !!

يطبق نظام البيت بالعناد .. يسوي الي براسه ..
ما يخاف من الاب او الام .. لو قلت له هذا خطر لا تقرب عليه ..عناد فيك يسويه ..
يضرب كثيرا في طفولته .. ومع ذلك عنيد ما يغير رايه ..




3- الطفل الحنه والرنه !!

يستخدم وسيلة الحنة لتلبية رغباته ..
له نغمه خاصه في المنزل..
تلبي رغباته كرها .. يعانون اهله من الصداع المستمر ..




4- الطفل المادى !!

هذا الطفل ما يرد السلام الا بالفلوس ..
تعامله مع اهل المنزل .. مادي بحت ..
يستخدمونه لتوصيل طلبات المنزل .. ونقل الاغراض .. وكل شيء بحسابه ..




5- الطفل الفتان !!

تجد عند هذا النوع جميع اخبار المنزل ..
يجد المتعة في اذلال غيره بالفتنة عليه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحة الرئيسية .. في الجريدة ..




6- الطفل الدلوع !!

هذا دلوع ماما وبابا .. يكرهونه باقي الاطفال لانه شايف نفسه ..
تلبي رغباته قبل ليطلبها .. شخصيته اتكاليه جدا ..




7- الطفل العلة(( النشبه )) !!

يزعجك باسئلته الي ما تنتهى .. يستفسر من كل شي .. حتى لو عطست ..
بقولك ليش عطست .. وشلون عطست .. وشلون تكونت العطسة ..
يحرجك احيانا .. ويمكن دائما باسئلته .. مرة تجاوب عليه ومرة تقبعه كف ..
واكثر الاوقات ما تلقى اجابة لاسئلته .. لانك في الحقيقة تجهلها ..




8- الطفل الطفشان !!

هذا الطفل مستحيل يجلس في المنزل ..
يعيش في الشارع اكثر من بيته .. خبرة ودليل في كل ممر وسبيل ..
يعرف طول الشارع بالسنتيمر ..




9- الطفل بو لسان طويل !!

يستانسون اهله على قصصه .. فصيح جدا ..
ويلقط العبارات والمفردات بسرعة مذهلة ..
يسبب احراج دائم لاهله .. من الممكن ان يقول كلمه بالغلط للضيوف او الاقارب ..
يتميز احيانا بقلة الذوووق والوقاحة اذا انفعل ..
لا ينصح باستفزازه ابدا




10- الطفل اللزقة !!

تلقاه متخبي عند باب البيت .. محدا يطلع الا وهو ملزق فيه ..
حتى الضيوف من الممكن تلقاه يلزق فيهم ويطلع معاهم ..
يضرب كثيرا .. وخاصة من اخوته .. الي اكبر منه .. او اخواته ..
لانه عبارة عن رادار على طلعاتهم ..
احيانا يضطروا يطلعوا من نافذة المنزل للهروب منه ..
ولكن للاسف يجدونه بانتظارهم في السيارة .. والادهى في السيارة يسالهم ليش تاخرتوا علي ..





11- الطفل الهادي !!

هذا الطفل ماله صوت ابدا .. وين ما تحطه تلقاه ..
احيانا يهملونه اهله .. لانهم ناسينه ..
واحيانا يلقى اهتمام زائد من اهله ..
لو يموت من الجوع ما بيقول حرف ..
في كثير من الاحيان تلقى اهله ناسينه بالسوق او عند الاقارب اثناء الزيارات ..




12- الطفل القوي !!

ياااااا سلاحف النينجا .. اهله دائما في احراج ومشاكل مع الناس ..
هرمون الاجرام مرتفع بنسبة عالية في جسمه ..
فى كل جبهه طفل في منطقتهم تلقى له اثر وتوقيع ..
يمثل القائد والفتوة .. ويهابونه الاطفال ..
يتقرب منه الكبار ويتوددون له حفاظا على سلامة اطفالهم



منقول ......... وأعتذر عن اللهجة العامية المكتوب بها الموضوع ....