فيه ناس كل همها تحكم على خلق الله وتؤلك دول في الجنه ودول في النار ودول منتحرين ودول أبرياء شهداء كانو يا عيني بيلقطو رزقهم مواطنين أمنين سالمين مساكين ملهمش في السياسه واللي يقولهم عليه ولي الأمر يقولو ولا الضالين أمين
يعني من نوعية المواطنين اللي بتحبها الحكومات الشموليه اللي ربنا ابتلانا بيها
ويعني بدل ما يكون هم أبواق الحكومات هو المطالبه بالإصلاح والنهوض بالبلد من مستويات المعيشه المتدنيه ويفكرو في حلول للعنوسه المتصاعده في الدول العربيه وخصوصا مصر والسعوديه والمغرب والجزائر فيها أرقام مخيفه وطبعا ده كله بيفتح سبل كتيره للفساد والافساد بين الشباب وغير الشباب حتى ده غير البطاله والفقر وعلى رأي الأوركيده ووووووووووووووووووووووووووووو للصبح
لأ يعدو بأه إيه يفتحو مواضيع ويكتبو مقالات إستفزاز و تشفي وشماته في الغير وفي ناس ماتو وإنتهو ويمكن - بقول يمكن ومفيش حاجه بعيده على الله - يمكن ربنا شاف نوايا الناس دي الحسنه وشاف إنهم إدحك عليهم وتاب عليهم وغفرلهم
يا عالم بلاش الاستفزاز لأن الناس اللي مش مع "الإرهاب" النهارده والله الذي لا إله غيره إنها رح تبقى مع "الإرهاب" بكره من القرف اللي بنشوفه سواء على المنتديات والانترنت أو في التلفزيونات أو الإذاعات أو على الوااقع
بلاش تخربو على أسيادكم بطرقكم العبيطه دي لأن بالإسلوب ده إنتو بتزيدو من كره الناس في النظام الحاكم المكروه أصلا وبتخلو الناس تتجه للتطرف غصب عنها
والله وبقولها بكل أمانه اللي بيحب فعلا نظامه الحاكم وبيخاف على مصالح بلده بلاش يستفز الناس لأن الناس خلاص مش طايقه